આજે બોલિવૂડ સુપરસ્ટાર ગોવિંદા (GOVINDA BIRTHDAY)છે. તેઓ આજે 60 વર્ષના થયા છે. ચાલો જાણીએ કે પોતાના ફિલ્મી કરિયરમાં અનેક નંબર 1 ફિલ્મો આપનાર ગોવિંદા અભ્યાસના ક્ષેત્રમાં પણ નંબર-1 છે કે નહીં.
બોલિવૂડ સુપરસ્ટાર ગોવિંદાના કરોડો ચાહકો છે. પોતાની ફિલ્મોથી લોકોને હસાવનાર ગોવિંદા છેલ્લા 35 વર્ષથી લોકોનું મનોરંજન કરી રહ્યા છે. ત્યારે ઘણી એવી બાબતો છે જે આપણે ચીચી વિશે જાણતા નથી. ચાલો જાણીએ કે શું પોતાના ફિલ્મી કરિયરમાં અનેક નંબર 1 ફિલ્મો આપનાર ગોવિંદા અભ્યાસના ક્ષેત્રમાં પણ નંબર 1 છે.
ગોવિંદાનું પૂરું નામ ગોવિંદ અરુણ આહુજા છે. તેમનો જન્મ 21 ડિસેમ્બર 1963ના રોજ મુંબઈના વિરારમાં થયો હતો. ગોવિંદા 6 ભાઈ-બહેનોમાં સૌથી નાના છે. તેમના પિતાનું નામ અરુણ કુમાર આહુજા છે, જેઓ પોતે એક અભિનેતા હતા અને ઘણી ફિલ્મોમાં પણ કામ કરી ચૂક્યા છે. ગોવિંદાની માતાનું નામ નિર્મલા દેવી છે.
કેવું રહ્યું બાળપણ
ગોવિંદાનું બાળપણ ઘણી મુશ્કેલીઓમાંથી પસાર થયું. ફ્લોપ ફિલ્મોના કારણે તેમના પિતાને આર્થિક સંકટનો સામનો કરવો પડ્યો હતો.ગોવિંદાના પિતા બીમાર પડવા લાગ્યા અને તેમના પરિવારને કાર્ટર રોડ પરના બંગલામાંથી વિરાર શિફ્ટ થવું પડ્યું જ્યાં ગોવિંદાનો જન્મ થયો હતો.
ગોવિંદાએ કહ્યું, ‘મેં ઘણો સંઘર્ષ કર્યો છે. આ એકદમ મુશ્કેલ હતું. જ્યારે હું સંઘર્ષ કરી રહ્યો હતો, ત્યારે લોકોએ મારા માટે વધુ મુશ્કેલી ઊભી કરી હતી. મેં બચ્ચન સર સાથે શું થયું તે સાંભળ્યું અને જોયું હતું, પરંતુ મને કલ્પના નહોતી કે મારી સાથે પણ આવું થશે. તેઓ જે રીતે આગળ વધ્યા તે પ્રેરણાદાયક હતું.
મુંબઈમાં જ ભણ્યા GOVINDA
ગોવિંદાએ પોતાનું સ્કૂલિંગ વિરારમાં જ કર્યું હતું. તેમણે વિરારની અન્નાસાહેબ વર્તક વિદ્યા મંદિર સ્કૂલમાં અભ્યાસ કર્યો. આ પછી તેમણે અન્નાસાહેબ વર્તક કોલેજમાંથી બેચલર ઓફ કોમર્સની પદવી મેળવી. અભ્યાસ બાદ તેમણે જોબ કરવાનું વિચાર્યું, પરંતુ તેમના પિતાએ ગોવિંદાને ફિલ્મોમાં કામ કરવાની સલાહ આપી.
ફિલ્મી કરિયરની શરૂઆત 1986માં થઈ હતી
પહેલી ફિલ્મ રહી હતી હિટ
ગોવિંદાની પહેલી ફિલ્મ ઈલ્ઝામ (ILZAM) હતી, જે 1986માં રિલીઝ થઈ હતી. આ ફિલ્મ હિટ રહી અને આ સાથે જ ગોવિંદાની સફળ ફિલ્મી કારકિર્દીની શરૂઆત થઈ. ત્યારબાદ ગોવિંદાએ એક પછી એક હિટ ફિલ્મો આપી. ડેવિડ ધવન અને ગોવિંદાની જોડીએ કુલી નંબર 1 (COOLIE NO.1), રાજા બાબુ (RAJA BABU), હીરો નંબર 1 (HERO NO.1) જેવી ઘણી આઇકોનિક ફિલ્મોમાં સાથે કામ કર્યું હતું.
ગોવિંદાએ પડદા પર ભજવેલા દરેક પાત્ર સાથે દર્શકોને જોડી રાખ્યા છે. આજે પણ હજારો લોકો ગોવિંદાની સ્ટાઈલને કોપી કરે છે પરંતુ તેમના જેવું આ ઈન્ડસ્ટ્રીમાં આજ સુધી કોઈ આવ્યું નથી. શું તમે જાણો છો કે ફિલ્મ ‘લવ 86’થી કામ કર્યા બાદ ગોવિંદાની કિસ્મત રાતોરાત બદલાઈ ગઈ હતી.
ઘર બહાર લાગી નિર્માતાઓની લાઈન
ગોવિંદા રાતોરાત સુપરસ્ટાર બની ગયો. ગોવિંદાના ઘરની સામે દિગ્દર્શકો અને નિર્માતાઓની લાંબી લાઇન હતી. બહુ ઓછા લોકો જાણે છે કે ફિલ્મથી રાતોરાત સુપરસ્ટાર બન્યા બાદ ગોવિંદાએ એક સાથે લગભગ 70 ફિલ્મો સાઈન કરી હતી. ગોવિંદાએ તેના એક ઈન્ટરવ્યુમાં આ વાતનો ખુલાસો કર્યો હતો અને કહ્યું હતું કે મેં 70 ફિલ્મો સાઈન કરી હોવા છતાં તે આ 70 ફિલ્મો પૂરી કરી શક્યો નહોતો. થોડા વર્ષો સુધી ગોવિંદાનું શેડ્યૂલ એટલું વ્યસ્ત થઈ ગયું હતું કે તેઓ એક જ દિવસમાં 5 ફિલ્મોનું શૂટિંગ કરતા હતા.
હિટ ડેબ્યૂ પછી ગોવિંદાનું નસીબ ચમક્યું
ગોવિંદાની ડેબ્યૂ ફિલ્મ હિટ થયા બાદ તેણે 4 વર્ષમાં લગભગ 40 ફિલ્મો કરી. ગોવિંદા રાતોરાત તેની પ્રસિદ્ધિમાં એટલા વ્યસ્ત થઈ ગયા કે તેમને ન તો દિવસનું ભાન રહ્યું અને ન તો રાતનું, તેઓ આખો સમય એક સેટથી બીજા સેટ પર દોડતા રહેતા હતા. ગોવિંદાના જીવનનો આ સમયગાળો જેટલો અઘરો હતો તેટલો જ આકર્ષક હતો.
https://www.instagram.com/p/CUSINxIsQZO/s
નીલમ સાથે અફેર હતું
હિટ ફિલ્મોના દોરમાં ગોવિંદા અને નીલમના અફેરની ખૂબ ચર્ચા થઈ હતી. નીલમ ગોવિંદાની પહેલી ફિલ્મ ઇલ્ઝામ (1986)ની હીરોઇન હતી. ગોવિંદાએ બાદમાં સુનીતા સાથે લગ્ન કર્યા હતા.સ્ટારડસ્ટ મેગેઝીનને આપેલા ઈન્ટરવ્યુમાં ગોવિંદાએ કહ્યું હતું – ‘હું સુનીતાને કહેતો હતો કે તે પોતાની જાતને બદલીને નીલમ જેવી બની જાય.
ગોવિંદાના કહેવા પ્રમાણે, ‘હું કહું છું કે નીલમ પાસેથી શીખો. ઘણી વખત સુનીતા આના કારણે ગુસ્સે થઈ જતી. તે મને કહેતી કે હું જેવી છું તમને એવી જ ગમવી જોઈએ. હું મૂંઝાઈ ગયો. મને ખબર નહોતી કે શું કરવું.’
રાની મુખર્જી સાથે જોડાયેલું નામ
રાની અને ગોવિંદાએ ‘હદ કર દી અપને’, ‘પ્યાર દિવાના હોતા હૈ’ અને ‘ચલો ઈશ્ક લડાયે’ જેવી ઘણી ફિલ્મોમાં સાથે કામ કર્યું હતું. આ દરમિયાન રાની અને ગોવિંદા એકબીજાની ખૂબ જ નજીક આવી ગયા હતા. જોકે, બંનેએ ક્યારેય તેમના સંબંધોને સ્વીકાર્યા નથી.
રિપોર્ટ્સ અનુસાર, ગોવિંદાની પત્ની સુનીતાને આ વાતની જાણ થતાં તે ખૂબ ગુસ્સે થઈ હતી. મામલો એટલો વધી ગયો હતો કે સુનીતા તેના બાળકો સાથે ગોવિંદાનું ઘર છોડીને ચાલી ગઈ હતી. આ બધા પછી ગોવિંદા અને રાનીએ અંતર જાળવી રાખ્યું હતું.
