Godrej family : દેશના સૌથી જૂના અને સૌથી મોટા કોર્પોરેટ હાઉસમાંથી એક ગોદરેજ પરિવાર આખરે ભાગલા માટે સંમત થયો છે. ગોદરેજ પરિવારમાં એક જૂથનું નેતૃત્વ આદિ ગોદરેજ અને તેમના ભાઈ નાદિર દ્વારા કરવામાં આવે છે, જ્યારે બીજા જૂથનું નેતૃત્વ તેમના પિતરાઈ ભાઈઓ જમશેદ ગોદરેજ અને સ્મિતા ગોદરેજ કૃષ્ણા કરે છે.
આ 127 વર્ષ જૂના જૂથનો બિઝનેસ, જેની કિંમત લગભગ 7 અબજ ડોલર છે, તે કન્ઝ્યુમર ગુડ્સથી લઈને રિયલ એસ્ટેટ અને એન્જિનિયરિંગ સુધી વિસ્તરે છે. કરાર મુજબ, જૂથની 5 લિસ્ટેડ કંપનીઓ આદિ અને નાદિર ગોદરેજના શેરમાં આવશે. તેમાં ગોદરેજ કન્ઝ્યુમર પ્રોડક્ટ્સ, ગોદરેજ પ્રોપર્ટીઝ, ગોદરેજ ઇન્ડસ્ટ્રીઝ, ગોદરેજ એગ્રોવેટ અને એસ્ટેક લાઇફસાયન્સનો સમાવેશ થાય છે. જ્યારે જમશેદ અને સ્મિતાને અનલિસ્ટેડ કંપનીઓ અને જમીન મળશે.
Godrej family : લાંબા સમયથી અલગ થવાની ચાલી રહી હતી ચર્ચા
ગોદરેજ ગ્રૂપને વિભાજિત કરવાની વાત ઘણા વર્ષોથી ચાલી રહી હતી પરંતુ ઓક્ટોબર 2021માં તેની ઔપચારિક શરૂઆત થઈ. ત્યારબાદ પરિવારે જણાવ્યું હતું કે નિમેશ કંપાણી અને ઉદય કોટક જેવા પરિવાર સાથે સંકળાયેલા બેન્કર્સ અને AZB એન્ડ પાર્ટનર્સના ઝિયા મોદી અને સિરિલ શ્રોફ જેવા કાયદાકીય નિષ્ણાતોની સલાહ લેવામાં આવી રહી છે.
ગોદરેજ ઇન્ડસ્ટ્રીઝ અને ગોદરેજ એન્ડ બોયસે સંયુક્ત નિવેદનમાં જણાવ્યું હતું કે ગોદરેજ પરિવાર શેરધારકો માટે શ્રેષ્ઠ મૂલ્યની ખાતરી કરવા માટે લાંબા ગાળાની વ્યૂહાત્મક યોજના પર કામ કરી રહ્યું છે. ગોદરેજ ગ્રુપની શરૂઆત 127 વર્ષ પહેલા 1897માં લોક મેન્યુફેક્ચરિંગ કંપની તરીકે કરવામાં આવી હતી. કંપનીએ 1918માં વિશ્વનો પ્રથમ વનસ્પતિ તેલ સાબુ (world’s first vegetable oil soap) લોન્ચ કર્યો હતો. હાલમાં બિઝનેસની કમાન પરિવારની ચોથી પેઢીના હાથમાં છે.
Godrej family : સંઘર્ષ કેવી રીતે શરૂ થયો?
આદિ ગોદરેજ પરિવાર (Godrej family)માં યથાસ્થિતિ જાળવી રાખવાની તરફેણમાં હતા પરંતુ પરિવારની નવી પેઢી માલિકીના અધિકારો અંગે સ્પષ્ટતા ઇચ્છતી હતી. પરિવારના તમામ સભ્યો એકબીજાની કંપનીઓમાં હિસ્સો ધરાવે છે અને બોર્ડમાં પ્રતિનિધિત્વ ધરાવે છે.
કુટુંબના સભ્યો અને કુટુંબના ટ્રસ્ટો વચ્ચે નોંધપાત્ર ક્રોસ-હોલ્ડિંગ છે જેને અલગ કરવાની જરૂર છે. તેથી આ વિતરણ એક જટિલ પ્રક્રિયા છે. તેથી જ તેમાં ઘણો સમય લાગી રહ્યો છે. વર્ષ 2019માં એવા સમાચાર આવ્યા હતા કે ગોદરેજ પરિવાર (Godrej family) વચ્ચે મુંબઈના ઉપનગરીય વિસ્તાર વિક્રોલીમાં 1000 એકર જમીનને લઈને વિવાદ શરૂ થયો હતો. આ પછી પરિવારમાં ઝઘડો વધ્યો. વ્યાપાર વ્યૂહરચના અને નવી પેઢીની ભૂમિકા અંગે પરિવારમાં પણ ઊંડા મતભેદો હતા.
વધુ સમાચાર માટે – અહી કલિક કરો, YouTube શોર્ટ્સ માટે – અહી કિલક કરો અને હિંદી સમાચાર વાંચવા – અહી ક્લિક કરો
