Global Power Meet: વૈશ્વિક રાજકારણના બે સૌથી શક્તિશાળી નેતાઓ, ભારતના વડાપ્રધાન શ્રી નરેન્દ્ર મોદી અને અમેરિકાના રાષ્ટ્રપ્રમુખ ડોનાલ્ડ ટ્રમ્પ વચ્ચે ફ્રાંસમાં એક અત્યંત મહત્વપૂર્ણ અને ઐતિહાસિક મુલાકાત યોજાઈ છે. આ ઉચ્ચસ્તરીય બેઠકમાં બંને દેશોના વડાઓ વચ્ચે વૈશ્વિક સુરક્ષા, વેપાર અને દ્વિપક્ષીય સંબંધોને વધુ મજબૂત કરવા અંગે ગંભીર ચર્ચા થઈ હતી. આ મુલાકાત દરમિયાન અમેરિકી રાષ્ટ્રપ્રમુખ ડોનાલ્ડ ટ્રમ્પે વડાપ્રધાન મોદીની લીડરશિપના મુક્તમને વખાણ કર્યા હતા અને ભારત પ્રત્યે પોતાનું વિશેષ સન્માન વ્યક્ત કર્યું હતું.
Global Power Meet: દરિયાઈ સુરક્ષા અને જહાજોની સ્વતંત્રતા વૈશ્વિક આર્થિક હિત માટે જરૂરી: પીએમ મોદી
બેઠક દરમિયાન વડાપ્રધાન નરેન્દ્ર મોદીએ વૈશ્વિક સ્તરે દરિયાઈ સુરક્ષાનો મુદ્દો ખૂબ જ મજબૂતાઈથી ઉઠાવ્યો હતો. પીએમ મોદીએ ભારપૂર્વક જણાવ્યું હતું કે, “વર્તમાન વૈશ્વિક પરિસ્થિતિમાં દરિયાઈ સુરક્ષા સમગ્ર દુનિયા માટે અત્યંત જરૂરી છે. આંતરરાષ્ટ્રીય જળસીમામાં વ્યાપારી જહાજોની મુક્ત અવરજવર અને સ્વતંત્રતા (Freedom of Navigation) જાળવી રાખવી એ દરેક દેશના હિતમાં છે.”
આ સાથે પીએમ મોદીએ ભારતીય સુરક્ષાના દૃષ્ટિકોણથી એક મહત્વની વાત કહી કે, “દરિયાઈ ક્ષેત્રે ભારતીય માછીમારોની સુરક્ષા અમારી સર્વોચ્ચ પ્રાથમિકતા છે.” વડાપ્રધાને સંકેત આપ્યો કે હિંદ મહાસાગર સહિતના અન્ય મહત્વના દરિયાઈ માર્ગો પર ભારતીય નાગરિકો અને માછીમારોની સુરક્ષા સાથે ભારત કોઈ સમજૂતી નહીં કરે.
Global Power Meet: “હું ભારતનું સન્માન કરું છું, મોદીના નેતૃત્વમાં ભારત અગ્રેસર” – ડોનાલ્ડ ટ્રમ્પ
વડાપ્રધાન મોદીના વક્તવ્ય અને ભારતની વૈશ્વિક નીતિઓને અમેરિકી પ્રમુખ ડોનાલ્ડ ટ્રમ્પે જોરદાર સમર્થન આપ્યું હતું. ટ્રમ્પે પીએમ મોદીના ભરપેટ વખાણ કરતા જણાવ્યું હતું કે, “હું ભારત દેશ અને ત્યાંના લોકોનું ખૂબ જ સન્માન કરું છું. ભારત આજે વિશ્વ મંચ પર જે ઊંચાઈએ પહોંચ્યું છે, તેનો શ્રેય પીએમ મોદીને જાય છે. મોદી છે તો ભારત દુનિયામાં અવ્વલ (નંબર વન) છે.”
ટ્રમ્પે વધુમાં ઉમેર્યું કે ભારત અને અમેરિકાની દોસ્તી વિશ્વમાં શાંતિ અને સ્થિરતા લાવવા માટે ખૂબ જ મહત્વપૂર્ણ ભૂમિકા ભજવી રહી છે અને આગામી સમયમાં આ સંબંધો વધુ મજબૂત બનશે.
Global Power Meet: વૈશ્વિક રાજકારણમાં મુલાકાતનો ગર્ભિત સંકેત
ફ્રાંસની ધરતી પર થયેલી આ બેઠક માત્ર ભારત-અમેરિકા પૂરતી મર્યાદિત નથી, પરંતુ તેનાથી સમગ્ર વિશ્વને એક મોટો રાજદ્વારી સંકેત મળ્યો છે. ખાસ કરીને ઇન્ડો-પેસિફિક ક્ષેત્રમાં વધી રહેલા તણાવ અને દરિયાઈ માર્ગો પર આધિપત્ય જમાવવાની કોશિશ કરતા દેશો માટે પીએમ મોદી અને ટ્રમ્પની આ મુલાકાત એક મજબૂત સંદેશ સમાન છે. ભારત અને અમેરિકા સંયુક્ત રીતે દરિયાઈ સુરક્ષા અને આંતરરાષ્ટ્રીય નિયમોનું પાલન કરાવવા માટે કટિબદ્ધ છે તે આ બેઠકથી ફરી એકવાર સાબિત થયું છે.
વધુ સમાચાર વાંચવા માટે અંહી ક્લિક કરો
