Gandhinagar: ગાંધીનગર શહેરમાંથી એક અકસ્માતના સમાચાર સામે આવ્યા છે. શહેરના વ્યસ્ત ગણાતા ‘ખ’ રોડ પર એક પૂરઝડપે જઈ રહેલી કારના ચાલકે અચાનક સ્ટેરિંગ પરથી કાબૂ ગુમાવતા ગંભીર અકસ્માત સર્જાયો હતો. આ અકસ્માતમાં કાર રોડની બાજુમાં આવેલા એક મોટા ઝાડ સાથે ધડાકાભેર અથડાતાં ઝાડ પણ જમીનદોસ્ત થઈ ગયું હતું.
Gandhinagar: અકસ્માતનું કારણ: કુતરું આડું ઉતરવું
પ્રાપ્ત પ્રાથમિક માહિતી મુજબ, કાર પુરઝડપે જઈ રહી હતી તે દરમિયાન અચાનક રસ્તા પર કુતરું આડું ઉતરતા કાર ચાલક તેને બચાવવા ગયો હતો, જેના કારણે વાહન પરથી નિયંત્રણ છૂટી ગયું અને કાર સીધી ઝાડ સાથે જઈને અથડાઈ હતી. ટક્કર એટલી જોરદાર હતી કે કારના આગળના ભાગનો કચ્ચરઘાણ નીકળી ગયો હતો.
બે વ્યક્તિઓને ઈજાઓ, 108 દ્વારા હોસ્પિટલ ખસેડાયા
આ અકસ્માતમાં કારમાં સવાર બે લોકોને ગંભીર ઈજાઓ પહોંચી હોવાનું જાણવા મળ્યું છે. ઘટનાની જાણ થતા જ રાહદારીઓ અને સ્થાનિક લોકો તાત્કાલિક મદદે દોડી આવ્યા હતા. ઇજાગ્રસ્તોને તરત જ 108 ઇમરજન્સી એમ્બ્યુલન્સ મારફતે વધુ સારવાર અર્થે નજીકની હોસ્પિટલમાં ખસેડવામાં આવ્યા છે. પોલીસે ઘટનાસ્થળે પહોંચીને આગળની કાયદેસરની કાર્યવાહી હાથ ધરી છે.
વધુ સમાચાર વાંચવા માટે અંહી ક્લિક કરો: ગાંધીનગર મહાત્મા મંદિર ખાતે મુખ્યમંત્રી ભૂપેન્દ્ર પટેલના હસ્તે મેડ ઇન ઇન્ડિયા ‘એવોર ઈ-બાઈક’નું લોન્ચિંગ
