Amazon Fake Product: ગુજરાત FDCAએ શુક્રવારે ફરિયાદના પગલે ભાવનગરમાં લાઇસન્સ વિનાની કોસ્મેટિક સાબુની ફેક્ટરીનો પર્દાફાશ કર્યો હતો. ટીમે રૂ. 60,000ની કિંમતના સૌંદર્ય પ્રસાધનો અને શંકાસ્પદ સૌંદર્ય પ્રસાધનોના ચાર સેમ્પલ એકત્ર કર્યા હતા, જે વડોદરા લેબોરેટરીમાં પરીક્ષણ માટે મોકલવામાં આવ્યા હતા.
FDCA કમિશનરે જણાવ્યું હતું કે, કંપની પર કોઈપણ લાયસન્સ વિના સૌંદર્ય પ્રસાધનોની ભ્રામક જાહેરાતો, ભ્રમ ફેલાવવા, કોઈ પણ ડિગ્રી કે પ્રમાણપત્ર વિના માર્ગદર્શન આપવા અને લોકોને છેતરવા અને Amazon જેવા ઓનલાઈન પ્લેટફોર્મ દ્વારા નકલી ઉત્પાદનોનું ઉત્પાદન અને વેચાણ કરવાનો આરોપ છે.
Amazon પર વેચાતા નકલી કોસ્મેટિક્સનો પર્દાફાશ
કેસની વિગત મુજબ, નિલોફર સાદિક ખદ્રાણીએ ભાવનગરની મેઘદૂત સોસાયટીમાં પોતાના રહેણાંક મકાનના બીજા માળે માન્ય લાયસન્સ વગર આ ઉત્પાદન એકમ શરૂ કર્યું હતું. તેણે કથિત રીતે લોકોને ગેરમાર્ગે દોરવા માટે નકલી લાઇસન્સ નંબર બનાવ્યો હતો.
દરોડા દરમિયાન, અધિકારીઓએ ઇન્ડક્શન ગેસ, પેન, ચમચી, કાચો માલ, વિવિધ ફ્લેવર, વિવિધ મોલ્ડ, રેફ્રિજરેટર્સ, આયુર્વેદિક મિક્સ પાવડર, 120 કિલો કાચો માલ અને અન્ય વસ્તુઓ પણ જપ્ત કરી હતી જેનો ઉપયોગ કંપની સાબુ બનાવવા માટે કરે છે.
આ ઉપરાંત, FDCA અધિકારીઓએ એ પણ શોધી કાઢ્યું હતું કે લગભગ રૂ. 3.50 લાખની કિંમતના વિવિધ બ્રાન્ડના 1,800 સાબુ ભાવનગરની સ્વસ્તિક સોસાયટીમાં સૂર્યતનયા ઇનોવેશન એલએલપી દ્વારા વેચવામાં આવ્યા છે. અધિકારીઓએ આ જગ્યા પર પણ દરોડા પાડ્યા હતા. આ પેઢી દ્વારા મોટા ભાગનું વેચાણ ભાવનગરની એપેક્સ ફાર્મા એજન્સી દ્વારા કરવામાં આવ્યું હતું – તેમના પતિ દિલીપ અમૃતલાલ મહેતાની ફાર્માસ્યુટિકલ એજન્સી છે એવું એક સૂત્રએ જણાવ્યું હતું.
આ એજન્સી સામે કાયદેસરની કાર્યવાહી કરવામાં આવી છે. વધુ તપાસમાં જાણવા મળ્યું છે કે તેઓ દોઢ મહિનાથી સૌંદર્ય પ્રસાધનોનું વેચાણ કરતા હતા.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
