Dramatic Rescue in Vejalpur: અમદાવાદ શહેરમાં વરસેલા ભારે વરસાદ અને જળબંબાકાર જેવી સ્થિતિ વચ્ચે વેજલપુર વિસ્તારમાંથી એક રાહતના સમાચાર સામે આવ્યા છે. વેજલપુરના બકેરી સિટી નજીક એ-વન સ્કૂલના વિદ્યાર્થીઓને લઈને જતી એક સ્કૂલ બસ અચાનક વરસાદી પાણીમાં ફસાઈ ગઈ હતી. જોકે, તંત્ર અને સ્થાનિક સ્તરે સમયસર લેવાયેલા પગલાંના કારણે મોટો અનર્થ ટળ્યો હતો અને તમામ બાળકોને સુરક્ષિત બચાવી લેવાયા હતા.
Dramatic Rescue in Vejalpur: પાણીમાં ફસાઈ સ્કૂલ બસ, મચી હતી દોડધામ
પ્રાપ્ત માહિતી અનુસાર, ભારે વરસાદને કારણે રસ્તાઓ પર પાણી ભરાઈ ગયા હતા, જેના કારણે એ-વન સ્કૂલની બસ પાણી વચ્ચે ફસાઈ ગઈ હતી. અચાનક પાણી ભરાવાને કારણે બસમાં સવાર નાના બાળકો અને તેમના વાલીઓની ચિંતા વધી ગઈ હતી.
Dramatic Rescue in Vejalpur: તાત્કાલિક રેસ્ક્યુ ઓપરેશન હાથ ધરાયું
ઘટનાની જાણ થતાં જ તાત્કાલિક ધોરણે રેસ્ક્યુ ઓપરેશન શરૂ કરવામાં આવ્યું હતું. બચાવ ટીમો અને સ્થાનિકોની મદદથી બસમાં ફસાયેલા તમામ વિદ્યાર્થીઓને એક પછી એક સુરક્ષિત રીતે બહાર કાઢવામાં આવ્યા હતા અને તેમને તાત્કાલિક સલામત સ્થળે ખસેડવામાં આવ્યા હતા.
તંત્રની સતર્કતાથી ટળ્યો મોટો ખતરો
બાળકોની સુરક્ષાને સર્વોચ્ચ પ્રાથમિકતા આપીને હાથ ધરેલી આ ત્વરિત કામગીરીને કારણે તમામ વિદ્યાર્થીઓ હેમખેમ પોતાના ઘરે પહોંચી શક્યા હતા. ભારે વરસાદની વર્તમાન પરિસ્થિતિમાં નાગરિકોની સુરક્ષા અને જાનમાલનું રક્ષણ કરવા માટે અમદાવાદ શહેરમાં સંબંધિત ટીમો દ્વારા સતત મોનિટરિંગ અને સાવચેતીના પગલાં લેવામાં આવી રહ્યા છે.
વધુ સમાચાર વાંચવા માટે અંહી ક્લિક કરો: ગુજરાતમાં ભારે વરસાદની સ્થિતિ અંગે વડાપ્રધાન મોદીએ CM ભૂપેન્દ્ર પટેલ સાથે કરી ટેલિફોનિક ચર્ચા, કેન્દ્ર તરફથી સંપૂર્ણ મદદની ખાતરી
