Commonwealth Games 2026: કોમનવેલ્થ ગેમ્સ 2026માં ભારતે શાનદાર શરૂઆત કરી છે, જ્યાં સ્ટાર વેટલિફ્ટર મીરાબાઈ ચાનુએ વુમન્સ 49KG કેટેગરીમાં કુલ 190 KG વજન ઉઠાવીને દેશને પ્રથમ ગોલ્ડ મેડલ અપાવ્યો છે. તેમની સાથે ઋષિકાંત સિંહે મેન્સ 60KG કેટેગરીમાં સિલ્વર મેડલ જીતીને ભારતીય અભિયાનને વધુ મજબૂત બનાવ્યું છે. આ મેડલ્સની સાથે ભારત હાલ મેડલ ટેલીમાં સાતમા સ્થાને પહોંચી ગયું છે, જ્યારે ઓસ્ટ્રેલિયા ટોપ પર છે.
- મીરાબાઈ ચાનુનો કમાલ: વુમન્સ 49KG વેટલિફ્ટિંગમાં કુલ 190 KG (85 kg સ્નેચ + 105 kg ક્લીન એન્ડ જર્ક) વજન ઉઠાવીને ભારતને પ્રથમ ગોલ્ડ મેડલ અપાવ્યો.
- ઋષિકાંત સિંહનો સિલ્વર: મેન્સ 60 kg કેટેગરીમાં شાનદાર પ્રદર્શન કરી સિલ્વર મેડલ પોતાના નામે કર્યો.
- મેડલ ટેલી: ભારતે અત્યાર સુધીમાં કુલ 3 મેડલ (1 ગોલ્ડ, 1 સિલ્વર અને 1 બ્રોન્ઝ) સાથે મેડલ ટેલીમાં સાતમો ક્રમ હાંસલ કર્યો છે. ઓસ્ટ્રેલિયા 12 ગોલ્ડ સાથે ટોપ પર છે.
Commonwealth Games 2026: ભારતના અન્ય મેડલ વિજેતાઓ:
- મીરાબાઈ ચાનુ: ગોલ્ડ મેડલ (વુમન્સ 49KG વેટલિફ્ટિંગ)
- ઋષિકાંત સિંહ: સિલ્વર મેડલ (મેન્સ 60KG વેટલિફ્ટિંગ)
- ઝંડુ કુમાર: બ્રોન્ઝ મેડલ (પેરા પાવરલિફ્ટિંગ – શુક્રવારે જીત્યો હતો)
Commonwealth Games 2026: ઋષિકાંત સિંહની સફર:
- બીજી કોમનવેલ્થ ગેમ્સ: બર્મિંગહામ 2022 (55kg કેટેગરી) બાદ ગ્લાસગો ગેમ્સમાં તેઓ પહેલીવાર 60kg કેટેગરીમાં મેદાનમાં ઉતર્યા છે. તેઓ વર્તમાન કોમનવેલ્થ વેઈટલિફ્ટિંગ ચેમ્પિયનશિપના ચેમ્પિયન પણ છે.
- શરૂઆત: મણિપુરના ઇમ્ફાલ વેસ્ટના રહેવાસી ઋષિકાંતે 2009માં મણિપુર સ્પોર્ટ્સ એકેડમીથી વેઈટલિફ્ટિંગની શરૂઆત કરી હતી. ત્યારબાદ તેઓ સ્પોર્ટ્સ ઓથોરિટી ઓફ ઇન્ડિયા (SAI), ભારતીય નૌકાદળ અને હાલમાં ભારતીય સેનાના સ્પોર્ટ્સ સેટ-અપ સાથે જોડાયેલા છે.
Commonwealth Games 2026: વેઈટલિફ્ટિંગની રમત કેવી રીતે રમાય છે?
વેઇટલિફ્ટિંગમાં બે મુખ્ય ઇવેન્ટ હોય છે, જેમાં ખેલાડીએ બારબેલને જમીન પરથી માથા ઉપર ઉઠાવવાનું હોય છે:
- સ્નેચ (Snatch): ખેલાડી એક જ મૂવમેન્ટમાં બારબેલને જમીન પરથી ઉઠાવીને સીધું માથા ઉપર લઈ જાય છે. આમાં ગતિ, સંતુલન, તાકાત અને લચીલાપનની સૌથી વધુ જરૂર પડે છે.
- ક્લીન એન્ડ જર્ક (Clean and Jerk): આ બે તબક્કામાં થાય છે:
- ક્લીન: બારબેલને જમીન પરથી ઉઠાવીને ખભા સુધી લાવવું.
- જર્ક: પગ અને ખભાની તાકાતથી બારબેલને માથા ઉપર લઈ જઈ હાથ પૂરા સીધા કરવા.
- વિજેતાની પસંદગી: બંને ઇવેન્ટના ત્રણ-ત્રણ પ્રયાસોમાં ઉઠાવેલા સૌથી વધુ વજનના સરવાળા (ટોટલ) પરથી વિજેતા નક્કી થાય છે.
અન્ય રમતોના મહત્વપૂર્ણ મુકાબલા:
- લૉન બૉલ્સ: વુમન્સ પેયર્સમાં રૂપા રાની તિર્કી અને પિંકી સિંહની જોડી નામિબિયા સામે ટાઈ-બ્રેકમાં હારી ગઈ છે. હવે સેમિફાઇનલમાં પહોંચવા માટે તેમણે ઇંગ્લેન્ડ સામેનો ‘કરો યા મરો’ મુકાબલો જીતવો પડશે.
- જિમ્નાસ્ટિક્સ: પુરુષ અને મહિલા ઓલ-અરાઉન્ડ ફાઇનલ મુકાબલા યોજાશે.
- સ્વિમિંગ અને બોક્સિંગ: પુરુષોની 4×200 મીટર ફ્રીસ્ટાઇલ રિલે હીટ્સ ઉપરાંત પ્રીતિ પવાર, જદુમણિ સિંહ અને આદિત્ય પ્રતાપ યાદવ સહિતના બોક્સરો પોતાના રાઉન્ડ ઓફ-16ના મુકાબલા રમશે.
વધુ સમાચાર વાંચવા માટે અંહી ક્લિક કરો: પેપરલીક વિરુદ્ધ સરકારનું માસ્ટરપ્લાન, નંદન નિલેકણીના નેતૃત્વમાં બનશે હાઈ પાવર ટાસ્ક ફોર્સ, PM મોદીની મોટી જાહેરાત
