Civic Action in Ahmedabad: આગામી કોમનવેલ્થ અને ઓલિમ્પિક ગેમ્સના આયોજનની તૈયારીઓના ભાગરૂપે અમદાવાદમાં એક મોટું ઓપરેશન શરૂ કરવામાં આવ્યું છે. મોટેરા ખાતે આવેલા નરેન્દ્ર મોદી સ્ટેડિયમની આસપાસના વિસ્તારને વધુ વિકસિત કરવા અને ટ્રાફિક વ્યવસ્થા સુધારવા માટે વહીવટીતંત્ર દ્વારા મેગા ડિમોલિશનની કામગીરી હાથ ધરવામાં આવી છે.
Civic Action in Ahmedabad: રોડને પહોળો કરવાનું લક્ષ્ય
પશ્ચિમ ઝોનના એસ્ટેટ વિભાગ દ્વારા સાબરમતી જનપથ ત્રણ રસ્તાથી સ્ટેડિયમ તરફના રોડને પહોળો કરવામાં આવી રહ્યો છે. હાલમાં આ રોડ 18 મીટરનો છે, જેને વધારીને 61 મીટરનો કરવામાં આવશે. આ પ્રોજેક્ટના અમલીકરણ માટે જનપથ ત્રણ રસ્તાથી ડી-માર્ટ સુધીની 50થી વધુ કોમર્શિયલ મિલકતોને તોડી પાડવામાં આવી રહી છે.
Civic Action in Ahmedabad: કામગીરીના મુખ્ય મુદ્દાઓ:
- ચુસ્ત બંદોબસ્ત: સાબરમતી પોલીસના સુરક્ષા કવચ હેઠળ આજે વહેલી સવારથી જેસીબી મશીનો દ્વારા તોડફોડની કામગીરી શરૂ કરી દેવામાં આવી છે.
- માત્ર કોમર્શિયલ મિલકતો: હાલમાં માત્ર કોમર્શિયલ મિલકતોને જ નિશાન બનાવવામાં આવી છે. રહેણાંક મિલકતો તોડવાનો હાલ કોઈ નિર્ણય લેવાયો નથી.
- અપવાદ: ડી-માર્ટ પછીની કેટલીક મિલકતો કે જેનો કેસ હાલ હાઈકોર્ટમાં પેન્ડિંગ છે, ત્યાં ડિમોલિશન કરવામાં આવશે નહીં. તેવી જ રીતે, સામી તરફ આવેલી ONGCની ઓફિસ શિફ્ટ કરવાની હોવાથી હાલ ત્યાં પણ કાર્યવાહી અટકાવવામાં આવી છે.
- નોટિસની પ્રક્રિયા: અસરગ્રસ્ત મિલકત ધારકોને અગાઉથી જ નોટિસ આપવામાં આવી હતી, ત્યારબાદ જ આ કાયદેસરની કાર્યવાહી હાથ ધરાઈ છે.
આ કામગીરી પૂર્ણ થવાથી ભવિષ્યમાં સ્ટેડિયમ ખાતે યોજાનાર આંતરરાષ્ટ્રીય સ્પોર્ટ્સ ઈવેન્ટ્સ સમયે દર્શકોની અવરજવર સરળ બનશે અને ટ્રાફિકની સમસ્યામાં પણ રાહત મળશે.
વધુ સમાચાર વાંચવા માટે અંહી ક્લિક કરો
રાજકોટમાં બાઈક ચલાવવા બાબતે નજીવો ઝઘડો જીવલેણ બન્યો, કાકા-ભત્રીજા પર ફાયરિંગ, ભત્રીજાનું મોત
