રિયાલીટી શો બિગ બોસ 17 (Bigg Boss 17) ના પહેલા દિવસથી જ ચર્ચામાં છે. શોના કારણે અભિનેત્રી અંકિતા લોખંડે (Ankita Lokhande) હાલ લાઈમલાઈટમાં છે. પોતાના પતિ વિકી જૈન સાથે બિગ બોસના ઘરમાં આવેલી અંકિતા ક્યારેક તેના પતિ પ્રત્યે પઝેસિવ જોવા મળે છે તો ક્યારેક તે પોતાનું ગ્રુપ બનાવતી જોવા મળે છે. આ દરમિયાન, અંકિતાએ દિવંગત અભિનેતા અને તેના પૂર્વ બોયફ્રેન્ડ સુશાંત સિંહ રાજપૂત (Sushant Singh Rajput) વિશે ઘણા ખુલાસા કર્યા છે. અંકિતાએ પહેલીવાર સુશાંતને લઈને પોતાનું મૌન તોડ્યું છે.
7 વર્ષથી રિલેશનશિપમાં હતા અંકિતા-સુશાંત :
બિગ બોસ 17 (Bigg Boss 17) ના સ્પર્ધક મુનાવર ફારુકી સાથેની વાતચીત દરમિયાન અંકિતાએ કહ્યું કે, તે 7 વર્ષથી સુશાંત સિંહ રાજપૂત સાથે રિલેશનશિપમાં રહી હતી. ‘પવિત્ર રિશ્તા’ સીરિયલના સેટ પર બંને વચ્ચે પ્રેમ થયો અને આ સંબંધ 7 વર્ષ સુધી ચાલ્યો. આ પછી તેઓનું અચાનક બ્રેકઅપ થઈ ગયું. અંકિતા કહે છે,
“તે એક રાતમાં ગાયબ થઈ ગયો, જ્યારે તેને સફળતા મળી રહી હતી, ત્યારે લોકો તેના કાન ભરી રહ્યા હતા.”
“સુશાંતે કયારેય પણ બ્રેકઅપનું કારણ નહોતું જણાવ્યું” : અંકિતા (Ankita Lokhande)
અંકિતાએ કહ્યું કે તે સમયે તેમની વચ્ચે કોઈ પ્રેમ બાકી રહ્યો ન હતો. જ્યારે તેણે સુશાંતની આંખોમાં જોતી તો તેને ક્યાય પ્રેમ દેખાતો નહોતો. અંકિતાએ વધુમાં કહ્યું કે, સુશાંતે ક્યારેય બ્રેકઅપ અંગે કોઈ ખુલાસો કર્યો નથી. તે શા માટે અલગ થવા માંગતો હતો તે કડી જણાવ્યું નહિ. અંકિતાએ એમ પણ કહ્યું કે, સુશાંત તેની સાથે સંપર્કમાં રહી શક્યો હોત અને તેની સાથે શું થઈ રહ્યું હતું તે કહી શક્યો હોત, પરંતુ તેણે તેમ કર્યું નહીં.
બ્રેકઅપ પછીનો આવો રહ્યો સંબંધ :
બ્રેકઅપ બાદ અંકિતાએ સુશાંત (#SSR) સાથેના સંબંધોને લઈને પણ મોટો ખુલાસો કર્યો હતો. અંકિતાએ કહ્યું કે બ્રેકઅપના દિવસ પછી તેણે સુશાંતને ક્યારેય જોયો નથી. તેના પતિ વિકી જૈન (Vicky Jain) વિશે વાત કરતાં અંકિતાએ કહ્યું કે, ઝગડા દરમિયાન પણ હું તેની આંખોમાં મારા માટે પ્રેમ જોઉં છું.
