AYODHYA : અયોધ્યામાં ભગવાન રામના પ્રાણપ્રતિષ્ઠાના હવે ગણતરીના કલાકો બાકી છે, આખું અયોધ્યા રામમય બની ગયું છે, દેશભરના લોકો 22 જાન્યુઆરીની રાહ જોઇને બેઠા છે, અયોધ્યામાં ભગવાન રામની શ્યામવર્ણી પ્રતિમાની તસ્વીરો સ્થાપના પહેલા જ સામે આવી ગઈ છે, ત્યારે તમને જાણીને નવાઈ લાગશે કે અયોધ્યામાં એક એવું મંદિર છે જેની મૂર્તિ પણ શ્યામવર્ણી છે, જેને કાલેરામ કહેવામાં આવે છે, આ કાલેરામ પાછળની વાર્તા ખુબ જ રોચક છે.
AYODHYA : નવનિર્મિત શ્રી રામ મંદિરમાં કાળી ચામડીની રામલલાની મૂર્તિ પણ સ્થાપિત કરવામાં આવનાર છે. તેઓ કાલેરામના નામથી પ્રખ્યાત છે. ત્યારે આશરે બે હજાર વર્ષ પહેલા મહારાજા વિક્રમાદિત્યએ પણ રામજન્મભૂમિમાં એક મંદિર બનાવ્યું હતું જેમાં શ્યામવર્ણા કાલેરામ સ્થાપિત કર્યા હતા. કાલેરામ 220 વર્ષ સુધી સરયુ નદીમાં ડૂબી રહ્યા હતા.
AYODHYA : રામલલાને તેમના જન્મસ્થળમાં સ્થાપિત થવા માટે લગભગ 500 વર્ષ સુધી રાહ જોવી પડી હતી. માત્ર રામલલા જ નહીં, ભગવાન રામને પણ અયોધ્યાના બીજા મંદિરમાં લાંબો સમય રાહ જોવી પડી હતી. લગભગ 220 વર્ષ સુધી સરયુ નદીમાં ડૂબ્યા પછી, આખરે તેઓને મંદિરમાં સ્થાપિત કરવામાં આવ્યા.
નવા બનેલા રામ મંદિરમાં ઘેરા રંગની રામલલાની મૂર્તિ સ્થાપિત કરવામાં આવી છે. અયોધ્યામાં અન્ય શ્યામ રંગના રામ હાજર છે, જે કાલેરામના નામથી પ્રખ્યાત છે. એવું માનવામાં આવે છે કે મહારાજા વિક્રમાદિત્યએ રામજન્મભૂમિ સંકુલમાં જ કાલેરામની સ્થાપના કરી હતી. આ મૂર્તિ રામજન્મભૂમિમાં 1500 વર્ષ સુધી પ્રતિષ્ઠિત રહી.
સરયુના કિનારે નાગેશ્વરનાથ મંદિરની પાછળ પ્રાચીન કાલેરામ મંદિર આવેલું છે. મંદિરમાં સ્થાપિત રામ, લક્ષ્મણ, ભરત, શત્રુઘ્ન અને સીતાજીની મૂર્તિઓ વિશે એવું માનવામાં આવે છે કે આ મૂર્તિઓ વિક્રમાદિત્ય દ્વારા બે હજાર વર્ષ પહેલા રામજન્મભૂમિમાં સ્થાપિત કરવામાં આવી હતી.
AYODHYA : 1528 ની આસપાસ, જ્યારે બાબરની સેનાએ અયોધ્યામાં જન્મસ્થળ પર હુમલો કર્યો, ત્યારે તત્કાલીન પૂજારી શ્યમાનંદે ભગવાનની મૂર્તિને સરયૂ નદીમાં તરતી મૂકી. આ મૂર્તિ મહારાષ્ટ્રીયન સંત નરસિમ્હા રાવ મોઘેને 1748ની આસપાસ સરયૂના કિનારે સહસ્ત્ર ધારા પાસે મળી હતી.
એવું માનવામાં આવે છે કે મૂર્તિ મળી તે પહેલા, નરસિમ્હા રાવને તેમના સપનામાં સરયુમાં મૂર્તિની હાજરી વિશે ત્રણ સ્વપ્ન આવ્યા હતા. સ્વપ્નમાં મળેલા આદેશને અનુસરીને, જ્યારે તે સરયુ નદી પાસે પહોંચ્યો, ત્યારે તેને મૂર્તિ મળી. આ પછી તેણે સરયુના કિનારે કાલેરામની મૂર્તિ સ્થાપિત કરી.
220 વર્ષ સુધી નદીના પટમાં પડ્યા બાદ મૂર્તિ કાળી થઈ ગઈ હતી. આવી સ્થિતિમાં સંત નરસિંહ રાવે મૂર્તિ હાથમાં લેતા જ અચાનક તેમના મોઢામાંથી ‘કાલેરામ’ શબ્દો નીકળી પડ્યા. આ પછી જે જગ્યાએ આ મૂર્તિ સ્થાપિત કરવામાં આવી હતી, તે મંદિરનું નામ કાલેરામ રાખવામાં આવ્યું હતું.
AYODHYA : મંદિરમાં શ્રી રામ યંત્ર સ્થાપિત છે
ભગવાન શ્રી રામનો મંત્ર ”શ્રી રામ જય રામ, જય જય રામ” રામયંત્રના રૂપમાં શ્રી કાલેરામ જી મંદિરમાં 13 કરોડ વાર લખીને સ્થાપિત કરવામાં આવ્યો છે. આ ઉપરાંત મંદિરમાં 18 પુરાણ, ચાર વેદ, ગીતા, રામાયણ વગેરે જેવા તમામ ધાર્મિક પુસ્તકો સ્થાપિત કરવામાં આવ્યા છે. એવું માનવામાં આવે છે કે જો કોઈ પણ ભક્ત આ પુસ્તકો અને શ્રી રામ મંત્રની આસપાસ ફરે છે તો તેને તમામ પાપોમાંથી મુક્તિ મળે છે.
તમે આ પણ વાંચી શકો છો
CANADA ની સરકારને આવ્યું જ્ઞાન, 22 જાન્યુઆરીને “અયોધ્યા રામ મંદિર દિવસ” તરીકે ઉજવવાની જાહેરાત કરી
