Auto-Taxi Strike: રિક્ષા અને ટેક્સી ચાલકોની હડતાળ વચ્ચે ખાનગી કેબ કંપનીઓ દ્વારા મુસાફરોની મજબૂરીનો ગેરલાભ ઉઠાવવામાં આવી રહ્યો હોવાના આક્ષેપો સામે આવ્યા છે. હડતાળના કારણે પબ્લિક ટ્રાન્સપોર્ટ ખોરવાતા મુસાફરો માટે ખાનગી કેબ મહત્વનો વિકલ્પ બની છે. આ સ્થિતિમાં કેબ કંપનીઓ દ્વારા સર્જ પ્રાઇસિંગના નામે ભાડામાં ભારે વધારો કરવામાં આવી રહ્યો હોવાની ફરિયાદો સામે આવી છે.
Auto-Taxi Strike: 15 કિમી માટે ₹2,100 સુધીનું ભાડું
મુસાફરોના જણાવ્યા મુજબ, સામાન્ય દિવસોમાં જે અંતર માટે પ્રમાણમાં ઓછું ભાડું ચૂકવવું પડતું હતું, તેના બદલે હડતાળ દરમિયાન બમણાથી પણ વધુ રકમ વસૂલવામાં આવી રહી છે. કેટલાક કિસ્સામાં 15 કિલોમીટરના અંતર માટે ₹2,100 સુધીનું ભાડું દર્શાવવામાં આવ્યું હોવાના આક્ષેપો છે.
હડતાળને કારણે રિક્ષા અને ટેક્સીનો વિકલ્પ મર્યાદિત થતાં મુસાફરોને મજબૂરીમાં કેબનો સહારો લેવો પડી રહ્યો છે. આવી સ્થિતિમાં વધેલું ભાડું સામાન્ય મુસાફરોના બજેટ પર સીધી અસર કરી રહ્યું છે.
Auto-Taxi Strike: સર્જ પ્રાઇસિંગ સામે સવાલ
મુસાફરોની માંગ વધે ત્યારે કેબના ભાડામાં વધારો થતો હોય છે, પરંતુ હડતાળ જેવી પરિસ્થિતિમાં ભાડામાં અતિશય વધારો કરવો કેટલો યોગ્ય છે તે અંગે સવાલો ઉઠી રહ્યા છે.
હાલ રિક્ષા-ટેક્સી હડતાળના કારણે મુસાફરો પર વધારાનો આર્થિક બોજ પડી રહ્યો છે. તંત્ર અને સંબંધિત કેબ કંપનીઓ આ પ્રકારની ફરિયાદો અંગે શું કાર્યવાહી કરે છે અને મુસાફરોને કોઈ રાહત મળે છે કે નહીં તેના પર સૌની નજર છે.
વધુ સમાચાર વાંચવા માટે અંહી ક્લિક કરો: આજે અજા એકાદશી: શ્રીહરિની આરાધનાનો પવિત્ર દિવસ
