Asiatic Lions Under Threat: એશિયાટિક સિંહોના એકમાત્ર ઘર ગણાતા ગુજરાતના ગીર જંગલમાંથી વન્યજીવ પ્રેમીઓને ધ્રુજાવી દે તેવા ચિંતાજનક સમાચાર સામે આવ્યા છે. ગીર પશ્ચિમ અને અમરેલી વિસ્તારમાં છેલ્લા થોડા દિવસોમાં કુલ 5 સિંહોના મોત થયા છે, જ્યારે ધારી ગીર પૂર્વના ગીર ગઢડા સરહદી વિસ્તારમાં છેલ્લા 10 દિવસમાં જ 3 માસૂમ સિંહબાળના પણ મોત નિપજ્યા છે. આમ, ટૂંકા ગાળામાં કુલ 8 સિંહોના મોત થતાં ગાંધીનગરથી લઈને ગીર સુધી વનવિભાગના ઉચ્ચ અધિકારીઓ દોડતા થઈ ગયા છે.
Asiatic Lions Under Threat: ‘બબેસિઓસિસ’ (Babesiosis) રોગચાળો ફરી ત્રાટક્યાની આશંકા
ગાંધીનગરના પ્રિન્સિપાલ ચીફ કન્ઝર્વેટર ઓફ ફોરેસ્ટ (PCCF) જયપાલસિંહે આ મામલે સત્તાવાર માહિતી આપતા જણાવ્યું છે કે, પ્રાથમિક દ્રષ્ટિએ સિંહોના મોત પાછળ ‘બબેસિઓસિસ‘ નામનો જીવલેણ રોગ જવાબદાર હોવાની આશંકા છે. આ એક એવો ઘાતક ચેપ છે જે સિંહોના શરીરમાં લોહીના ટકા ઘટાડી દે છે અને ભૂતકાળમાં પણ આ રોગ ગીરના સિંહો માટે કાળ સાબિત થયો છે:
- વર્ષ 2018: ગીરની દલખાણીયા રેંજમાં આ વાઈરસે આતંક મચાવ્યો હતો, જેમાં અનેક સિંહોના ટપોટપ મોત થયા હતા.
- વર્ષ 2020-21: ધારી અને ખાંભા વિસ્તારમાં પણ આ જ રોગના કારણે અનેક સિંહોએ જીવ ગુમાવ્યા હતા.
Asiatic Lions Under Threat: વનવિભાગ એલર્ટ: 350થી વધુ સિંહોનું ‘રાઉન્ડ ધ ક્લોક’ સ્ક્રીનિંગ
જંગલમાં સિંહો પર મંડરાઈ રહેલા આ ખતરાને પગલે વનવિભાગ અત્યંત સતર્ક બન્યું છે.
- વનવિભાગની ખાસ ટીમો દ્વારા પ્રભાવિત વિસ્તારોમાં 24 કલાક (Round the Clock) મોનીટરીંગ અને ટ્રેકિંગ શરૂ કરી દેવામાં આવ્યું છે.
- ધારી ગીર પૂર્વના DCF વિકાસ યાદવના જણાવ્યા મુજબ, અગમચેતીના ભાગરૂપે અત્યાર સુધીમાં આશરે 350 જેટલા સિંહોનું હેલ્થ સ્ક્રીનિંગ (સઘન નિરીક્ષણ અને તપાસ) કરવામાં આવ્યું છે.
હાલ વનવિભાગના ઉચ્ચ અધિકારીઓ પોતે ગીરના અસરગ્રસ્ત વિસ્તારોમાં કેમ્પ કરીને સિંહોની સ્થિતિ પર સીધી નજર રાખી રહ્યા છે જેથી આ રોગચાળાને આગળ વધતો અટકાવી શકાય
વધુ સમાચાર વાંચવા માટે અંહી ક્લિક કરો: અમેરિકામાં વધુ એક ગુજરાતીની કરપીણ હત્યા મહેસાણાની દીકરી પર સ્ટોરમાં ધડાધડ ફાયરિંગ
