Tragedy in Virginia: અમેરિકામાં વસતા ગુજરાતીઓ માટે વધુ એક માઠા અને હચમચાવી દેનારા સમાચાર સામે આવ્યા છે. યુએસએના વર્જિનિયા સિટીમાં રહેતી અને મૂળ મહેસાણા જિલ્લાના વિજાપુર તાલુકાના જંત્રાલ ગામની પાટીદાર યુવતી મેઘનાબેન પટેલની સ્ટોરમાં ઘૂસીને ગોળી મારી નિર્મમ હત્યા કરી દેવામાં આવી છે.
છેલ્લા એક જ વર્ષમાં અમેરિકામાં સમાન મોડસ ઓપરેન્ડીથી આ ચોથા ગુજરાતીની હત્યા થતાં સ્થાનિક NRI સમુદાયમાં ભારે ફફડાટ અને આક્રોશ વ્યાપી ગયો છે.
Tragedy in Virginia: માત્ર 26 સેકન્ડમાં ખેલ ખતમ: CCTVમાં કેદ થઈ ઘટના
હત્યાની આ સમગ્ર કાળજું કંપાવી દેનારી ઘટના સ્ટોરમાં લાગેલા સીસીટીવી કેમેરામાં કેદ થઈ છે. સીસીટીવી ફૂટેજ અનુસાર:
- એક અજાણ્યો બુકાનીધારી શખ્સ સ્ટોરમાં પ્રવેશે છે.
- તે થોડી સેકન્ડ આજુબાજુ નજર દોડાવે છે.
- તુરંત જ પોતાના નેફામાંથી હથિયાર કાઢીને કાઉન્ટર પર હાજર મેઘનાબેન પર ધડાધડ ફાયરિંગ કરી દે છે.
- માત્ર 26 સેકન્ડની અંદર આ ઘાતકી કૃત્યને અંજામ આપી હત્યારો ત્યાંથી ફરાર થઈ જાય છે. પ્રાથમિક દ્રષ્ટિએ આ હુમલો લૂંટના ઈરાદે કરાયો હોવાની આશંકા છે.
Tragedy in Virginia: વતન જંત્રાલ ગામમાં માતમનો માહોલ
મેઘનાબેન છેલ્લા 10 વર્ષથી પતિ ઉપેન્દ્રભાઈ પટેલ સાથે અમેરિકામાં સ્થાયી થયા હતા અને ત્યાં સ્ટોરમાં નોકરી કરતા હતા. તેમને સંતાનમાં એક પુત્રી (નકશીબેન) અને એક પુત્ર (સ્મિત) છે.
દીકરીની હત્યાના સમાચાર મળતા જ વિજાપુરના જંત્રાલ ગામમાં અને તેમના મોસાળ જામળા ગામમાં ઘેરા શોકની લાગણી ફરી વળી છે. મૃતકના પિતા કરસનભાઈ પટેલ અને માતા કપિલાબેન હાલ જંત્રાલ ગામમાં રહે છે, જેઓ દીકરીના અકાળે અવસાનથી ભાંગી પડ્યા છે. ઘટનાની જાણ થતાં જ અમેરિકાની સ્થાનિક પોલીસે સમગ્ર વિસ્તારને ઘેરીને હત્યારાને પકડવા ચક્રો ગતિમાન કર્યા છે.
વધુ સમાચાર વાંચવા માટે અંહી ક્લિક કરો: ઈબોલા વાઈરસનું સંકટ, અમદાવાદ એરપોર્ટે જાહેર કરી કડક એડવાઈઝરી, ઈન્ટરનેશનલ મુસાફરો માટે ૫ નિયમોનું પાલન ફરજિયાત
