India Clinch Gold Again: એશિયન ગેમ્સ 2026ની પુરુષ ક્રિકેટ ફાઇનલમાં ભારતે પાકિસ્તાનને 19 રને હરાવીને સતત બીજી વખત ગોલ્ડ મેડલ પોતાના નામે કર્યો છે. રોમાંચક મુકાબલામાં ભારતે પહેલા બેટિંગ કરીને 20 ઓવરમાં 6 વિકેટે 211 રન બનાવ્યા હતા. જવાબમાં પાકિસ્તાનની ટીમ 20 ઓવરમાં 6 વિકેટે 192 રન બનાવી શકી હતી.
India Clinch Gold Again: ભારતની ધમાકેદાર બેટિંગ
ટોસ જીતીને ભારતે પ્રથમ બેટિંગ કરવાનો નિર્ણય લીધો હતો. ભારત તરફથી અભિષેક શર્માએ 28 બોલમાં 61 રનની તોફાની ઇનિંગ્સ રમી હતી. જ્યારે તિલક વર્માએ માત્ર 22 બોલમાં અણનમ 51 રન ફટકારીને ભારતના સ્કોરને 200ની પાર પહોંચાડવામાં મહત્વની ભૂમિકા ભજવી હતી.
India Clinch Gold Again: પાકિસ્તાનની શરૂઆત ધીમી રહી
212 રનના લક્ષ્યાંકનો પીછો કરવા ઉતરેલી પાકિસ્તાનની શરૂઆત ધીમી રહી હતી. ત્યાર બાદ ઇનિંગ્સના મધ્ય તબક્કામાં રનગતિ વધારવાનો પ્રયાસ કરવામાં આવ્યો, પરંતુ ભારતીય બોલરોએ સતત દબાણ જાળવી રાખ્યું હતું.
બુમરાહની નિર્ણાયક બોલિંગ
મુકાબલાની અંતિમ ઓવરોમાં પાકિસ્તાનને જીત માટે 44 રનની જરૂર હતી. ભારત તરફથી જસપ્રીત બુમરાહે 19મી ઓવર કરી, જેમાં તેમણે મહત્વપૂર્ણ સમયે ભારતની પકડ વધુ મજબૂત કરી હતી. પાકિસ્તાન અંતે 192 રન સુધી જ પહોંચી શક્યું.
ભારતે ગોલ્ડ મેડલ જાળવી રાખ્યો
પાકિસ્તાન સામેની આ જીત સાથે ભારતે એશિયન ગેમ્સના ક્રિકેટમાં સતત બીજી વખત ગોલ્ડ મેડલ જીત્યો છે. ફાઇનલમાં બેટિંગ અને બોલિંગ બંને વિભાગમાં ટીમના શાનદાર પ્રદર્શનથી ભારતે ખિતાબ પોતાના નામે કર્યો.
વધુ સમાચાર વાંચવા માટે અંહી ક્લિક કરો: હોર્મુઝમાં ઓઈલ ટેન્કર પર હુમલો: પાંચ ભારતીયોનો આબાદ બચાવ
