Sunday Banking: દેશભરના બેંક ગ્રાહકો માટે મહત્વના સમાચાર સામે આવ્યા છે. યુનાઇટેડ ફોરમ ઓફ બેંક યુનિયન્સ (UFBU) દ્વારા 28થી 30 સપ્ટેમ્બર 2026 દરમિયાન ત્રણ દિવસની દેશવ્યાપી બેંક હડતાળનું એલાન કરવામાં આવ્યું છે. આ હડતાળને કારણે સપ્ટેમ્બરના અંતિમ દિવસોમાં બેંકિંગ સેવાઓ પર અસર થવાની શક્યતા છે.
ગ્રાહકોને સતત લાંબા સમય સુધી બેંક શાખાની સેવા બંધ ન રહે તે માટે સરકારે મહત્વનો નિર્ણય લીધો છે. 27 સપ્ટેમ્બર, રવિવારે તમામ Public Sector Banks અને Regional Rural Banks સામાન્ય રીતે કાર્યરત રહેશે. RBIએ તમામ બેંક શાખાઓ, ઓફિસો, ATM-linked branches અને Currency Chestsને પણ 27 સપ્ટેમ્બરે કાર્યરત રાખવાની મંજૂરી આપી છે.
Sunday Banking: 27 સપ્ટેમ્બરે બેંક કેમ ખુલશે?
28થી 30 સપ્ટેમ્બર સુધી પ્રસ્તાવિત ત્રણ દિવસની હડતાળ પહેલાં 26 સપ્ટેમ્બર શનિવાર અને 27 સપ્ટેમ્બર રવિવારની રજાઓ આવતી હતી. જો રવિવારે પણ બેંકો બંધ રહે તો ગ્રાહકો માટે લાંબો વિક્ષેપ ઊભો થઈ શકે તેમ હતો.
આ પરિસ્થિતિને ધ્યાનમાં રાખીને 27 સપ્ટેમ્બરે સરકારી બેંકો અને Regional Rural Banks ચાલુ રાખવાનો નિર્ણય લેવામાં આવ્યો છે. સરકાર અને બેંક મેનેજમેન્ટે યુનિયનોને હડતાળ મુલતવી રાખવા પણ અપીલ કરી છે.
Sunday Banking: 28થી 30 સપ્ટેમ્બર બેંક હડતાળ
UFBUએ મુખ્યત્વે પાંચ દિવસના બેંકિંગ વર્કિંગ વીકની માંગ સહિત વિવિધ મુદ્દાઓને લઈને 28થી 30 સપ્ટેમ્બર સુધી હડતાળનું એલાન કર્યું છે. 22 સપ્ટેમ્બરની સમાધાન બેઠક બાદ પણ હડતાળ પાછી ખેંચાઈ ન હતી.
જો હડતાળમાં કર્મચારીઓની ભાગીદારી રહે છે તો શાખા આધારિત બેંકિંગ સેવાઓ પર અસર થઈ શકે છે. ખાસ કરીને એવી સેવાઓ જેમાં બેંક કર્મચારીની સીધી મદદ જરૂરી હોય તેમાં વિલંબ થવાની શક્યતા છે.
Sunday Banking: ડિજિટલ બેંકિંગનો ઉપયોગ
બેંકો દ્વારા ગ્રાહકોને જરૂરી બેંકિંગ કામ હડતાળ પહેલાં પૂર્ણ કરવાની સલાહ આપવામાં આવી રહી છે. ATM, UPI, મોબાઇલ બેંકિંગ અને ઇન્ટરનેટ બેંકિંગ જેવી ડિજિટલ સેવાઓનો ઉપયોગ કરવાની પણ સલાહ આપવામાં આવી છે. જોકે કોઈ ચોક્કસ સેવા ઉપલબ્ધ રહેવાની સ્થિતિ બેંક પ્રમાણે અલગ હોઈ શકે છે.
વધુ સમાચાર વાંચવા માટે અંહી ક્લિક કરો: 23થી 25 સપ્ટેમ્બર સુધી અમેરિકાની સ્ટેટ વિઝિટ; વેપાર, AI, તાઈવાન અને અન્ય વ્યૂહાત્મક મુદ્દાઓ પર ચર્ચાની શક્યતા
