Hardik Pandya Update: અફઘાનિસ્તાન સામેની ત્રણ મેચની ટી-20 સિરીઝમાં 15 વર્ષીય વૈભવ સૂર્યવંશીને એક પણ મેચમાં પ્લેઇંગ-11માં સ્થાન મળ્યું નહીં. ભારતે આ સિરીઝ 3-0થી જીતી લીધા બાદ મુખ્ય કોચ ગૌતમ ગંભીરને વૈભવને તક ન આપવાના નિર્ણય અંગે સવાલ કરવામાં આવ્યો હતો. ગંભીરએ સ્પષ્ટ કહ્યું કે ખેલાડીની ઉંમર 15 વર્ષ હોય કે 30 વર્ષ, તક માટે રાહ જોવી પડે છે.
Hardik Pandya Update: ગંભીરનો વૈભવ માટે સ્પષ્ટ સંદેશ
ગંભીરના જણાવ્યા મુજબ વૈભવ સાથે આ અંગે સ્પષ્ટ વાતચીત થઈ છે અને તેને પોતાની તકની રાહ જોવી પડશે. તેમણે કહ્યું કે ટીમ મેનેજમેન્ટને વૈભવની પ્રતિભા અંગે પૂરી જાણકારી છે અને જ્યારે તેને તક મળશે ત્યારે તેને સતત રમવાનો મોકો આપવામાં આવશે. જોકે, લાંબા સમયથી સારું પ્રદર્શન કરનારા ખેલાડીઓને ટીમમાં નવા આવેલા ખેલાડીઓ કરતાં પ્રાથમિકતા મળવી સ્વાભાવિક છે.
વૈભવે ઇંગ્લેન્ડ સામે પોતાની આંતરરાષ્ટ્રીય કારકિર્દીની શરૂઆત કરી હતી અને ત્રણ મેચમાં 42 રન બનાવ્યા હતા. ત્યારબાદ ઝિમ્બાબ્વે સામે તેણે 151 રન બનાવીને સિરીઝમાં ભારત તરફથી સૌથી વધુ રન બનાવ્યા હતા.
Hardik Pandya Update: સંજુ સેમસનને બહાર રાખવાનો નિર્ણય મુશ્કેલ હતો
ગંભીરે સંજુ સેમસન અંગે પણ પોતાની વાત રાખી. તેમના જણાવ્યા પ્રમાણે વર્લ્ડ કપમાં પ્લેયર ઑફ ધ ટુર્નામેન્ટ રહેલો ખેલાડી એકાદ ખરાબ સિરીઝથી ખરાબ ખેલાડી બની જતો નથી. ઇંગ્લેન્ડ સિરીઝમાંથી સેમસનને બહાર રાખવાનો નિર્ણય પોતાના કોચિંગ કાર્યકાળનો સૌથી મુશ્કેલ નિર્ણય હોવાનું તેમણે જણાવ્યું.
ગંભીરે વધુમાં કહ્યું કે ટીમ મેનેજમેન્ટ વર્લ્ડ કપ દરમિયાન સફળ રહેલી ઓપનિંગ જોડી સાથે આગળ વધવા માગતું હતું. અફઘાનિસ્તાન સામે અભિષેક શર્મા અને સંજુ સેમસને ઓપનિંગ કરી અને બંનેએ મળીને સિરીઝમાં 346 રન બનાવ્યા.
Hardik Pandya Update: હાર્દિક પંડ્યા અંગે પણ ગંભીરનું મોટું અપડેટ
હાર્દિક પંડ્યાની ફિટનેસ અંગે ગંભીરએ કહ્યું કે હાલ પંડ્યા વનડેમાં સંપૂર્ણ 10 ઓવર બોલિંગ કરવા માટે તૈયાર નથી. તેથી તેની આંતરરાષ્ટ્રીય વાપસી અંગે ટીમ મેનેજમેન્ટ કોઈ ઉતાવળ કરવા માગતું નથી. ગંભીરના જણાવ્યા પ્રમાણે પંડ્યા ફિટ થાય તો નીતિશ કુમાર રેડ્ડી સાથે બંનેને ટીમમાં રમાડવાની શક્યતા છે.
Hardik Pandya Update: અભિષેક શર્માનો વિસ્ફોટક રેકોર્ડ
અફઘાનિસ્તાન સામેની ત્રીજી ટી-20માં અભિષેક શર્માએ માત્ર 34 બોલમાં 108 રનની તોફાની ઇનિંગ રમી હતી. તેણે માત્ર 30 બોલમાં સદી પૂરી કરી હતી. ભારતે આ મેચમાં 127 રનથી જીત મેળવીને સિરીઝમાં અફઘાનિસ્તાનનો 3-0થી ક્લીન સ્વીપ કર્યો.
વધુ સમાચાર વાંચવા માટે અંહી ક્લિક કરો: દેશમાં પાસપોર્ટ બનાવવો હવે વધુ મોંઘો, નવી ફીથી ખિસ્સા પર વધશે ભાર, વિદેશ મંત્રાલય દ્વારા નવા દરો જાહેર
