E-Scooter Fire Risk: ઇલેક્ટ્રિક સ્કૂટરનો ઉપયોગ દેશભરમાં ઝડપથી વધી રહ્યો છે, પરંતુ તેની સાથે બેટરી અને ચાર્જિંગ સંબંધિત સુરક્ષાના સવાલો પણ ઊભા થઈ રહ્યા છે. ઇલેક્ટ્રિક સ્કૂટરમાં આગ લાગવાની ઘટનાઓ પાછળ બેટરી મેનેજમેન્ટમાં ખામી, વધુ પડતી ગરમી, ખોટી ચાર્જિંગ પદ્ધતિ, શોર્ટ સર્કિટ અને હલકી ગુણવત્તાના પાર્ટ્સ જેવા અનેક કારણો જવાબદાર હોઈ શકે છે.
E-Scooter Fire Risk: લોકલ ચાર્જરનો ઉપયોગ જોખમી
ઇલેક્ટ્રિક સ્કૂટરને ચાર્જ કરતી વખતે કંપની દ્વારા પ્રમાણિત ચાર્જરનો જ ઉપયોગ કરવો જોઈએ. સસ્તા લોકલ અથવા ડુપ્લિકેટ ચાર્જરનો ઉપયોગ બેટરીને નુકસાન પહોંચાડી શકે છે અને ઓવરહિટિંગ તથા શોર્ટ સર્કિટનું જોખમ વધારી શકે છે. સ્કૂટરને લાંબા સમય સુધી સતત ચાર્જિંગ પર રાખવાનું પણ ટાળવું જોઈએ.
E-Scooter Fire Risk: ગરમ બેટરીને તરત ચાર્જ ન કરો
લાંબી રાઇડ બાદ ઇલેક્ટ્રિક સ્કૂટરની બેટરી ગરમ થઈ શકે છે. આવી સ્થિતિમાં સ્કૂટરને તરત ચાર્જિંગમાં મૂકવાને બદલે બેટરીને સામાન્ય તાપમાન સુધી ઠંડી થવા દેવી વધુ સલામત છે. સામાન્ય સાવચેતી તરીકે રાઇડ બાદ આશરે 20થી 30 મિનિટ રાહ જોઈ શકાય છે. સાથે જ સ્કૂટરને સીધા તડકામાં રાખીને ચાર્જ કરવાનું ટાળવું જોઈએ.
E-Scooter Fire Risk: વાયરિંગમાં ફેરફાર ભારે પડી શકે
સ્કૂટરની રેન્જ અથવા સ્પીડ વધારવાના હેતુથી વાયરિંગ કે ઇલેક્ટ્રિકલ સિસ્ટમમાં અનધિકૃત ફેરફાર કરાવવો જોખમી બની શકે છે. આવી છેડછાડથી વાયર ગરમ થવા, સ્પાર્કિંગ અને શોર્ટ સર્કિટ જેવી સમસ્યાઓ ઊભી થઈ શકે છે. તેથી ઇલેક્ટ્રિક સિસ્ટમમાં કોઈપણ ફેરફાર કરાવતા પહેલાં કંપનીની માર્ગદર્શિકાનું પાલન કરવું જરૂરી છે.
રિપેરિંગ માટે અધિકૃત સર્વિસ સેન્ટર પસંદ કરો
બેટરી, ચાર્જિંગ પોર્ટ, વાયરિંગ અથવા અન્ય ઇલેક્ટ્રિકલ ભાગોમાં સમસ્યા જણાય તો સ્થાનિક અથવા બિનઅધિકૃત વ્યક્તિ પાસે રિપેરિંગ કરાવવાને બદલે અધિકૃત સર્વિસ સેન્ટરની મદદ લેવી વધુ સલામત છે.
વધુ સમાચાર વાંચવા માટે અંહી ક્લિક કારો: રોજ ફળ ખાવાથી ડાયાબિટીસ થાય? જાણો આખા ફળ અને જ્યુસ વચ્ચેનો મોટો ફરક
