Narmada District Leads the Way: માનનીય વડાપ્રધાન નરેન્દ્રભાઈ મોદીના “ટીબી મુક્ત ભારત”ના સંકલ્પને સાકાર કરવા માટે એસ્પિરેશનલ જિલ્લો નર્મદામાં આરોગ્ય વિભાગ દ્વારા એક મહત્વપૂર્ણ સિદ્ધિ હાંસલ કરવામાં આવી છે. જિલ્લામાં “ટીબી મુક્ત ભારત અભિયાન–2.0” અંતર્ગત ૧૦૦ દિવસની સઘન વિશેષ ઝુંબેશ ચલાવવામાં આવી હતી, જે અત્યંત પરિણામલક્ષી સાબિત થઈ છે.
Narmada District Leads the Way: અંતરિયાળ ગામો સુધી પહોંચી આરોગ્ય સેવાઓ
કેન્દ્ર સરકાર દ્વારા નિર્ધારિત જિલ્લાના ૧૪૬ હાઈ-રિસ્ક ગામોમાં તા. ૨૪ માર્ચથી ૩ જુલાઈ, ૨૦૨૬ સુધી આ વિશેષ અભિયાન હાથ ધરવામાં આવ્યું હતું. ડુંગરાળ અને અંતરિયાળ વિસ્તારોમાં રહેતા નાગરિકોને ઘરે બેઠા આરોગ્ય સુવિધાઓ મળી રહે તે માટે આધુનિક ડિજિટલ હેન્ડહેલ્ડ ચેસ્ટ એક્સ-રે મશીન અને મોબાઈલ એક્સ-રે વાનનો ઉપયોગ કરવામાં આવ્યો હતો.
Narmada District Leads the Way: અભિયાનના આંકડાકીય પરિણામો:
- કુલ સ્ક્રીનિંગ: ૧,૨૨,૮૩૪થી વધુ નાગરિકોનું ટીબી સ્ક્રીનિંગ કરવામાં આવ્યું.
- નિઃશુલ્ક એક્સ-રે: ૩૩,૦૮૬ લાભાર્થીઓના ડિજિટલ ચેસ્ટ એક્સ-રે કરવામાં આવ્યા.
- અદ્યતન તપાસ: ૧૨,૧૮૦ વ્યક્તિઓના ગળફાના નમૂના લઈ NAAT ટેક્નોલોજી દ્વારા તપાસ કરાઈ.
- સફળતા: ૪૪૩ નવા ટીબી દર્દીઓની વહેલી ઓળખ કરી તેમને તાત્કાલિક સારવાર હેઠળ લાવવામાં આવ્યા.
Narmada District Leads the Way: ૪૮ ગ્રામ પંચાયતો બની “ટીબી મુક્ત”
નર્મદા જિલ્લાના આરોગ્ય તંત્રની આ સતત કામગીરીને કારણે વર્ષ ૨૦૨૫ દરમિયાન જિલ્લાની ૨૨૨માંથી ૪૮ ગ્રામ પંચાયતોને “ટીબી મુક્ત ગ્રામ પંચાયત” તરીકે જાહેર કરવામાં આવી છે, જે અન્ય જિલ્લાઓ માટે પ્રેરણારૂપ છે.
શું કહે છે આરોગ્ય વિભાગ?
આ સિદ્ધિ અંગે જિલ્લા ક્ષય અધિકારી ડૉ. ઝંખના વસાવાએ જણાવ્યું હતું કે, “સુદ્રઢ આયોજન, આરોગ્ય કર્મચારીઓની નિષ્ઠા અને જનભાગીદારીને કારણે જ આ શક્ય બન્યું છે. અમને પૂર્ણ વિશ્વાસ છે કે આ જ ગતિએ કામગીરી ચાલુ રહેશે તો ટૂંક સમયમાં આપણે ‘ટીબી મુક્ત નર્મદા’નું લક્ષ્યાંક સિદ્ધ કરી ‘ટીબી મુક્ત ભારત’ના સ્વપ્નને સાકાર કરીશું.”
વધુ સમાચાર વાંચવા માટે અંહી ક્લિક કરો: મોરબી રોડ પર બાઈક ચોરીનો સીસીટીવી વીડિયો વાયરલ, ચોરે ગણતરીની સેકન્ડોમાં વાહન ઉઠાવ્યું
