Jamnagar Crackdown: લખનઉમાં સર્જાયેલી દર્દનાક આગની દુર્ઘટના બાદ દેશભરમાં તંત્ર સજાગ બન્યું છે, ત્યારે જામનગર મહાનગરપાલિકા પણ ફૂલ એક્શન મોડમાં આવી ગઈ છે. મ્યુનિસિપલ કમિશનરની કડક સૂચના બાદ ફાયર વિભાગની ખાસ ટીમો દ્વારા શહેરમાં ટ્યુશન ક્લાસીસોનું સઘન સર્વેક્ષણ હાથ ધરવામાં આવ્યું છે. આ કડક ઝુંબેશ અંતર્ગત નિયમોનું ઉલ્લંઘન કરતા બે જાણીતા ટ્યુશન ક્લાસીસને સીલ કરી દેવામાં આવ્યા છે.
Jamnagar Crackdown: આ ક્લાસીસ પર વાગ્યા સીલના તાળા
ફાયર વિભાગની ટીમે સપાટો બોલાવતા શહેરના મુખ્ય વિસ્તારોમાં તપાસ હાથ ધરી હતી, જેમાં સુરક્ષાના નિયમોના અભાવે નીચેના ક્લાસીસ સામે સીલિંગની કાર્યવાહી કરવામાં આવી છે:
- સૌમેયા ક્લાસીસ (ગુરુદ્વારા ચોકડી)
- સ્મિતા ક્લાસીસ (લીમડા લાઈન)
Jamnagar Crackdown: વોર્ડ વાઇઝ ટીમો દ્વારા સઘન તપાસ
વિદ્યાર્થીઓની સુરક્ષાને ધ્યાનમાં રાખીને ફાયર વિભાગ દ્વારા વોર્ડ વાઇઝ વિશેષ ટીમો બનાવવામાં આવી છે. આ ટીમો નીચે મુજબની બાબતોની ઝીણવટભરી તપાસ કરી રહી છે:
- ફાયર NOC: ક્લાસીસ પાસે માન્ય ફાયર એન.ઓ.સી. (NOC) છે કે નહીં તેની ચકાસણી.
- એક્ઝિટ અને એન્ટ્રી પોઇન્ટ: ક્લાસીસમાં કટોકટીના સમયે બહાર નીકળવા માટે પૂરતી વ્યવસ્થા છે કે નહીં તેની તપાસ. જે ક્લાસીસમાં માત્ર એક જ એક્ઝિટ છે, તેમને તાત્કાલિક વધારાની એક્ઝિટ ઊભી કરવા સૂચના અપાઈ છે.
- ફાયર સિસ્ટમ: હાલમાં લાગેલી ફાયર સેફ્ટી સિસ્ટમ કાર્યરત છે કે નહીં તેનું લાઈવ ટેસ્ટિંગ.
“નિયમોમાં કોઈ પણ પ્રકારની બાંધછોડ ચલાવી લેવામાં નહીં આવે. તપાસ દરમિયાન જો કોઈ ખામી જણાશે તો સંબંધિત સંચાલકોને તાત્કાલિક નોટિસ ફટકારવામાં આવશે અને કડક કાનૂની પગલાં લેવાશે.” — ધર્મેન્દ્રસિંહ જાડેજા (સ્ટેશન ફાયર ઓફિસર, મનપા જામનગર)
Jamnagar Crackdown: સુરક્ષા સાથે શિક્ષણ: મોક ડ્રિલનું આયોજન
માત્ર કાર્યવાહી જ નહીં, પરંતુ વિદ્યાર્થીઓમાં જાગૃતિ આવે તે માટે ફાયર વિભાગ દ્વારા વિશેષ મોક ડ્રિલનું પણ આયોજન કરવામાં આવી રહ્યું છે. જેમાં આગ લાગે ત્યારે ગભરાયા વગર કઈ રીતે બચાવ કરવો, કઈ બાબતોનું ધ્યાન રાખવું અને શું ન કરવું તેની પ્રેક્ટિકલ તાલીમ આપવામાં આવી રહી છે.
જામનગર મનપાની આ આક્રમક ઝુંબેશના કારણે નિયમો નેવે મૂકીને ચાલતા ક્લાસ સંચાલકોમાં ભારે ફફડાટ વ્યાપી ગયો છે.
વધુ સમાચાર વાંચવા માટે અંહી ક્લિક કરો: શેરબજારમાં જોરદાર બાઉન્સબેક: સેન્સેક્સ 791 પોઈન્ટ ઉછળીને 77 હજારની નજીક, નિફ્ટી 24,000ને પાર; IT અને બેન્કિંગ શેરોમાં ધૂમ ખરીદી
