Look 50 at 70: વડાપ્રધાન નરેન્દ્ર મોદીએ રવિવારે પશ્ચિમ બંગાળના કોલકાતામાં આયોજિત ૧૨મા આંતરરાષ્ટ્રીય યોગ દિવસના મુખ્ય કાર્યક્રમમાં ભાગ લીધો હતો. કોલકાતાના ઐતિહાસિક ‘રેડ રોડ’ પર આયોજિત આ ભવ્ય સમારોહમાં પીએમ મોદીની સાથે આશરે ૩૫ હજારથી વધુ લોકોએ એકસાથે યોગાસનો કર્યા હતા. કાર્યક્રમ દરમિયાન પીએમ મોદીએ લગભગ ૧૫ મિનિટ સુધી દેશ અને દુનિયાને સંબોધિત કરતા યોગના અદભુત ફાયદાઓ વિશે વાત કરી હતી.
Look 50 at 70: ઉંમર વધે પણ ફિટનેસ ન ઘટે: PMનો નવો ફિટનેસ ગોલ
પીએમ મોદીએ પોતાના સંબોધનમાં ઉંમર અને ફિટનેસ વચ્ચેનો સંબંધ સમજાવતા એક નવો લક્ષ્ય આપ્યો હતો. તેમણે કહ્યું, “આપણો લક્ષ્ય ૪૦ વર્ષની ઉંમરે ૨૦ વર્ષની ઉંમર કરતાં વધુ લચીલા (flexible) હોવું અને ૫૦ વર્ષની ઉંમરે ૩૦ વર્ષની ઉંમર કરતાં વધુ ઊર્જાવાન હોવું જોઈએ. જો આપણે નિયમિત યોગ કરીશું તો ૭૦ વર્ષની ઉંમરે પણ ૫૦ વર્ષ જેવા યુવાન દેખાઈ શકીશું.”
Look 50 at 70: “Yoga for Healthy Ageing” થીમ પર ભાર
આ વર્ષના ૧૨મા આંતરરાષ્ટ્રીય યોગ દિવસની વિશેષ થીમ “Yoga for Healthy Ageing” (વધતી ઉંમર માટે યોગ) રાખવામાં આવી છે. આ થીમનો મુખ્ય હેતુ એ સમજાવવાનો છે કે યોગ માત્ર વજન ઉતારવા કે ફિટનેસનું માધ્યમ નથી, પરંતુ ઉંમર વધવાની સાથે શરીર, મન અને માનસિક સ્વાસ્થ્યને સશક્ત રાખવાનો એક શ્રેષ્ઠ માર્ગ છે. પીએમ મોદીએ પોતે કાર્યક્રમમાં તાડાસન, અર્ધચક્રાસન, ભદ્રાસન અને ત્રિકોણાસન જેવા વિવિધ આસનો કરીને લોકોને પ્રેરણા આપી હતી.
Look 50 at 70: PM મોદીના સંબોધનની ૩ મોટી વાતો:
૧. યોગ શરીરની સાથે માનસિક સ્વાસ્થ્ય માટે પણ જરૂરી:
પીએમએ જણાવ્યું કે આધુનિક સમયમાં લોકો જીવનના અસંતુલનથી ઝઝૂમી રહ્યા છે અને માનસિક તણાવનો સામનો કરી રહ્યા છે. યોગ સંતુલિત જીવન જીવવાની અદભુત કળા શીખવે છે. જ્યારે આપણે આપણા શરીરને યોગ્ય રીતે ચલાવતા શીખી જઈએ છીએ, ત્યારે સ્વાસ્થ્ય આપણો સ્વભાવ બની જાય છે.
૨. યોગ કોઈ એક ચોક્કસ વય જૂથ પૂરતો સીમિત નથી:
વડાપ્રધાને સ્પષ્ટ કર્યું કે યોગ માત્ર યુવાનો માટે નથી, તે દરેક ઉંમરના વ્યક્તિ માટે છે. ભારતમાં યોગ હંમેશા માનવ જીવનની ચેતના અને ઊર્જાનો પ્રકાશ રહ્યો છે. આ વર્ષની થીમ પણ એ જ દર્શાવે છે કે વૃદ્ધાવસ્થામાં પણ યોગના સહારે સ્વસ્થ અને સક્રિય રહી શકાય છે.
૩. યોગ વસુધૈવ કુટુંબકમની ભાવના વધારે છે, બધાને જોડે છે:
પીએમ મોદીએ ગર્વભેર કહ્યું કે યોગ હવે દુનિયાનો સૌથી મોટો સામુદાયિક ઉત્સવ બની ચૂક્યો છે, જે જુદા જુદા દેશો, સંસ્કૃતિઓ અને લોકોને એકસાથે જોડે છે. ૨૧ જૂન, જે પૃથ્વીનો સૌથી લાંબો દિવસ છે, તે હવે આખી દુનિયાને યોગની ઊર્જાથી જોડી રહ્યો છે.
વધુ સમાચાર વાંચવા માટે અંહી ક્લિક કરો
રાજકોટ બન્યું દુનિયાનું પ્રથમ ’15 મિનિટ યોગ સિટી’, આવતીકાલથી 426 સેન્ટરો પર મફત ટ્રેનિંગ શરૂ
