High-Alert in Gujarat: ‘ધુરંધર’ મૂવી જોઈને ૧૨ વર્ષના બાળકે લખી બોમ્બની ધમકીની ચિઠ્ઠી! અમદાવાદ સ્પોર્ટ્સ ક્લબની ઘટનાનો ભેદ ઉકેલાયો

High-Alert in Gujarat: ગુજરાતમાં છેલ્લા થોડા દિવસોથી અલગ-અલગ જગ્યાએ બોમ્બ બ્લાસ્ટ કરવાની ધમકી મળવાના કારણે કાયદો અને વ્યવસ્થાની એજન્સીઓ દોડતી થઈ છે. જોકે, આ ધમકીઓ પાછળ કોઈ આતંકી સંગઠન નહીં પરંતુ સગીર વયના બાળકોના કરતૂતો સામે આવતા પોલીસ પણ ચોંકી ઉઠી છે. અમદાવાદની પ્રતિષ્ઠિત સ્પોર્ટ્સ ક્લબમાં મળેલી આતંકી હુમલાની ચિઠ્ઠીનો ભેદ નારણપુરા પોલીસે ઉકેલી કાઢ્યો છે, જેમાં સુરતના એક કાપડના વેપારીના ૧૨ વર્ષના દીકરાનું કારસ્તાન હોવાનું બહાર આવ્યું છે.

High-Alert in Gujarat: સિનેમાની અસર: મજાક-મજાકમાં પોલીસ દોડતી કરી

મળતી માહિતી અનુસાર, સુરતનો આ વેપારી પરિવાર અમદાવાદની સ્પોર્ટ્સ ક્લબના રૂમમાં રોકાયો હતો. અહીં તેમના ૧૨ વર્ષના દીકરાએ બોલીવુડ ફિલ્મ ‘ધુરંધર’ જોયા બાદ, માત્ર મજાક ખાતર પેન્સિલથી અંગ્રેજીમાં દાઉદ ઇબ્રાહિમ અને આતંકી સંગઠન લશ્કર-એ-તોઈબાના નામે ધમકીભરી ચિઠ્ઠી લખી નાખી. આ ચિઠ્ઠીમાં ૨૧ જૂને ક્લબમાં બ્લાસ્ટ કરવાનો ઉલ્લેખ હતો. બાળકે આ ચિઠ્ઠી રૂમના ડિજિટલ લોકરમાં મૂકી દીધી હતી, પરંતુ લોકર લોક થઈ જતાં તે અંદર જ રહી ગઈ હતી. પરિવારના ચેકઆઉટ કર્યા બાદ હાઉસકીપિંગ સ્ટાફને સફાઈ દરમિયાન આ ચિઠ્ઠી મળતા જ બોમ્બ સ્ક્વોડ (BDDS), SOG અને ડોગ સ્ક્વોડની ટીમો ઘટનાસ્થળે દોડી ગઈ હતી. પોલીસે સીસીટીવી અને ડિજિટલ લોગની તપાસ કરીને આખરે બાળક સુધી પહોંચી આ ભેદ ઉકેલ્યો છે.

High-Alert in Gujarat: પરીક્ષાથી બચવા વડોદરામાં વિદ્યાર્થીએ આપ્યો ‘પ્રેંક’ મેસેજ

આવો જ એક વધુ કિસ્સો વડોદરાના મકરપુરા ખાતે આવેલી એરફોર્સ સ્ટેશન સ્થિત કેન્દ્રીય વિદ્યાલયમાં પ્રકાશમાં આવ્યો હતો. શાળાને બોમ્બથી ઉડાવી દેવાની ધમકી આપનાર બીજું કોઈ નહીં પણ શાળાનો જ એક વિદ્યાર્થી નીકળ્યો હતો. સાયબર ક્રાઈમની તપાસમાં ખુલાસો થયો છે કે, માત્ર પરીક્ષા ન આપવી પડે તે માટે વિદ્યાર્થીએ પોતાના શિક્ષકના વોટ્સએપ પર શાળાને સંપૂર્ણ નષ્ટ કરી દેવાનો ધમકીભર્યો મેસેજ મોકલ્યો હતો.

High-Alert in Gujarat: CMO, AMC અને RSS કાર્યાલયને ઉડાવી દેવાની નવી ધમકીથી હડકંપ

આ દરમિયાન, આજે (૧૦મી જૂન) રાજ્યમાં સુરક્ષા વ્યવસ્થા ત્યારે વધુ કડક કરી દેવામાં આવી જ્યારે મુખ્યમંત્રી કાર્યાલય (CMO), અમદાવાદ મ્યુનિસિપલ કોર્પોરેશન (AMC)ની મુખ્ય ઓફિસ અને RSS કચેરીને બોમ્બથી ઉડાવી દેવાના ધમકીભર્યા ઈમેલ મળ્યા.

‘ખાલિસ્તાન નેશનલ આર્મી’ ના નામે મોકલવામાં આવેલા આ ઈમેલમાં ૧૦ જૂનથી ૨૦ સપ્ટેમ્બર દરમિયાન અલગ-અલગ સ્થળોએ બ્લાસ્ટ કરવાનો ઉલ્લેખ છે. બપોરે ૧:૧૧ વાગ્યે CMO, બપોરે ૩:૧૧ વાગ્યે AMC અને સાંજે ૫:૧૧ વાગ્યે RSS કચેરીને નિશાન બનાવવાની ધમકી આપવામાં આવી હતી. તકેદારીના ભાગરૂપે AMC ઓફિસ ખાલી કરાવાઈ હતી અને આખા શહેરમાં હાઈ-એલર્ટ જાહેર કરાયું છે. જોકે, મુખ્યમંત્રી કાર્યાલયની તપાસ પૂર્ણ થઈ ગઈ છે અને ત્યાં કોઈ શંકાસ્પદ વસ્તુ મળી નથી.

વધુ સમાચાર વાંચવા માટે અંહી ક્લિક કરો: અમદાવાદ કાલુપુર રેલવે સ્ટેશન પર ‘ડિજિટલ લગેજ લોકર’ સુવિધાનો પ્રારંભ: મુસાફરોની સામાન સાચવવાની ચિંતાનો આવ્યો અંત