Late Night Raid in Vadodara: શહેરમાં દારૂબંધીના કડક અમલ વચ્ચે મકરપુરા પોલીસને મોટી સફળતા મળી છે. મોડી રાત્રે તરસાલી રોડ પર વિદેશી દારૂનો જથ્થો સગેવગે કરવાની પેરવી કરી રહેલા એક શખ્સને પોલીસે રંગેહાથ ઝડપી પાડ્યો છે. પોલીસ તપાસમાં કુલ 289 બોટલ દારૂ સહિત લાખોનો મુદ્દામાલ જપ્ત કરવામાં આવ્યો છે.
Late Night Raid in Vadodara: ચોક્કસ બાતમી અને કાર્યવાહી:
મકરપુરા પોલીસને બાતમી મળી હતી કે ડભોઈ રોડ પર આવેલી જલારામ નગર ઝૂંપડપટ્ટી પાસે એક શખ્સ મોપેડ પર દારૂનો જથ્થો લાવીને તેને સંતાડવાની તૈયારી કરી રહ્યો છે. આ બાતમીના આધારે પોલીસે વોચ ગોઠવી સાહિલ મંગળભાઈ બારીયા નામના શખ્સને ઝડપી પાડ્યો હતો.
Late Night Raid in Vadodara: કુલ ₹1.56 લાખનો મુદ્દામાલ જપ્ત:
પોલીસે સ્થળ પરથી નીચે મુજબની ચીજવસ્તુઓ કબજે કરી છે:
- વિદેશી દારૂ: 289 બોટલ (કિંમત ₹1.01 લાખ)
- અન્ય મુદ્દામાલ: મોબાઈલ ફોન અને મોપેડ મળી કુલ ₹1.56 લાખની મત્તા.
બે આરોપીઓ વોન્ટેડ: પકડાયેલા આરોપી સાહિલની પૂછપરછમાં સામે આવ્યું છે કે આ દારૂનો જથ્થો મનોજ રાજભાઈ લાકડીવાળા અને અમરસિંહ ઉર્ફે પેપે સરદાર નામના શખ્સો વેચાણ માટે લાવ્યા હતા. પોલીસે આ બંને આરોપીઓને વોન્ટેડ જાહેર કરી તેમને પકડવા માટેના ચક્રો ગતિમાન કર્યા છે.
વધુ સમાચાર વાંચવા માટે અંહી ક્લિક કરો
‘સ્માઈલ’ આપીને સેલ્સ ગર્લ 1.66 કરોડનું સોનું સેરવી ગઈ, CCTVમાં કેદ થઈ ચોરીની લાઇવ ઘટના
