A New Era in Bengal: પશ્ચિમ બંગાળના રાજકારણમાં દાયકાઓ પછી મોટો ફેરફાર જોવા મળી રહ્યો છે. વિધાનસભા ચૂંટણીમાં ભાજપની ભવ્ય જીત બાદ હવે રાજ્યના સુકાની તરીકે સુવેન્દુ અધિકારીના નામ પર મહોર મારી દેવામાં આવી છે. આજે સાંજે 5 વાગ્યે સત્તાવાર જાહેરાત સાથે બંગાળને નવા મુખ્યમંત્રી અને બે નાયબ મુખ્યમંત્રી મળશે.
A New Era in Bengal: નવી સરકારનું માળખું
રાજ્યમાં વહીવટી સંતુલન જાળવવા માટે ભાજપ હાઈકમાન્ડે બે ડેપ્યુટી CM ફોર્મ્યુલા અપનાવી છે:
- મુખ્યમંત્રી: સુવેન્દુ અધિકારી (ગૃહ મંત્રાલયનો હવાલો પણ સંભાળશે).
- ડેપ્યુટી CM 1: રૂપા ગાંગુલી.
- ડેપ્યુટી CM 2: દાર્જિલિંગ વિસ્તારના એક પુરુષ ધારાસભ્ય (નામની જાહેરાત સાંજે થશે).
A New Era in Bengal: 9 મેના રોજ ભવ્ય શપથ ગ્રહણ
કોલકાતાના ઐતિહાસિક બ્રિગેડ પરેડ ગ્રાઉન્ડ ખાતે 9 મેના રોજ શપથ ગ્રહણ સમારોહ યોજાશે. આ કાર્યક્રમમાં વડાપ્રધાન નરેન્દ્ર મોદી, કેન્દ્રીય ગૃહમંત્રી અમિત શાહ સહિત NDAના દિગ્ગજ નેતાઓ હાજરી આપશે. ઉલ્લેખનીય છે કે સુવેન્દુ અધિકારીએ મમતા બેનર્જીને તેમના ગઢ ગણાતા ભવાનીપુર અને નંદીગ્રામ એમ બંને જગ્યાએ પરાજય આપ્યો છે.
A New Era in Bengal: ચૂંટણી પરિણામો પર એક નજર
બંગાળની કુલ 294 બેઠકોમાંથી 293 બેઠકોના પરિણામ જાહેર થયા છે:
- ભાજપ: 207 બેઠકો (સ્પષ્ટ બહુમતી)
- TMC: 80 બેઠકો
- બાકી: અન્ય (ફાલ્ટા બેઠક પર 21 મેના રોજ મતદાન થશે)
A New Era in Bengal: પરિણામ પછીનો હિંસક અને રાજકીય ઘટનાક્રમ
| તારીખ | ઘટના |
| 4 મે | ભાજપે પ્રથમ વખત બંગાળમાં બહુમતી મેળવી સરકાર બનાવવાનો માર્ગ મોકળો કર્યો. |
| 5 મે | મમતા બેનર્જીએ હાર સ્વીકારવાનો ઇનકાર કર્યો અને ‘ષડયંત્ર’નો આરોપ લગાવી રાજીનામું આપવાની ના પાડી. |
| 6 મે | સુવેન્દુ અધિકારીના PA ચંદ્રનાથ રથની મધ્યમગ્રામ પાસે અજાણ્યા શખ્સો દ્વારા ગોળી મારી હત્યા કરાઈ. |
| 7 મે | સુવેન્દુએ આ હત્યાને રાજકીય કિન્નાખોરી ગણાવી મમતા બેનર્જીની હારનો બદલો ગણાવ્યો. |
અમિત શાહ અને સુવેન્દુ દક્ષિણેશ્વર મંદિરે
સરકાર રચવાની પ્રક્રિયા વચ્ચે અમિત શાહ અને સુવેન્દુ અધિકારીએ એક જ કારમાં દક્ષિણેશ્વર કાલી મંદિરની મુલાકાત લીધી હતી, જે રાજ્યમાં નવા શાસનના આગમનનો સંકેત આપે છે. સાંજે ધારાસભ્ય દળની બેઠક બાદ વિધિવત રીતે ત્રણેય નેતાઓના નામ જાહેર કરવામાં આવશે.
વધુ સમાચાર વાંચવા માટે અંહી ક્લિક કરો
