LSG vs RCB: આઈપીએલની રોમાંચક મેચમાં લખનઉ સુપર જાયન્ટ્સે રોયલ ચેલેન્જર્સ બેંગલુરુને 9 રનથી હરાવી શાનદાર જીત નોંધાવી છે. ઈકાના સ્ટેડિયમમાં રમાયેલી આ મેચમાં લખનઉના મિચેલ માર્શે બેટિંગમાં અને યુવા પ્રિન્સ યાદવે બોલિંગમાં તરખાટ મચાવ્યો હતો.
LSG vs RCB: મેચની મુખ્ય હાઈલાઈટ્સ:
- માર્શની રેકોર્ડબ્રેક સદી: મિચેલ માર્શે માત્ર 49 બોલમાં સદી ફટકારીને લખનઉ માટે સૌથી ઝડપી સદીનો નવો રેકોર્ડ બનાવ્યો છે. તેમણે કુલ 56 બોલમાં 111 રન ઝૂડ્યા હતા.
- કોહલી ‘ડક’ પર આઉટ: વિરાટ કોહલી માટે આ મેચ નિરાશાજનક રહી. યુવા ઝડપી બોલર પ્રિન્સ યાદવે 140ની ઝડપે બોલ નાખી કોહલીને ક્લીન બોલ્ડ કર્યો હતો, જે બાદ પ્રિન્સે હવામાં છલાંગ લગાવી જોરદાર સેલિબ્રેશન કર્યું હતું.
- ભુવીનો ઐતિહાસિક આંકડો: ભુવનેશ્વર કુમાર 200 IPL મેચ રમનારા પ્રથમ ફાસ્ટ બોલર બન્યા છે.
- વરસાદનું વિઘ્ન: મેચ દરમિયાન ત્રણ વખત વરસાદ પડ્યો હતો, જેના કારણે રમત વારંવાર અટકી પડી હતી.
LSG vs RCB: મેદાન પરની ગરમાગરમી અને મજેદાર ક્ષણો:
મેચ દરમિયાન લખનઉના જ બે ખેલાડીઓ કૃણાલ પંડ્યા અને નિકોલસ પૂરન વચ્ચે બાઉન્સર બોલ મામલે થોડી ગરમાગરમી જોવા મળી હતી. બીજી તરફ, રિષભ પંતનો એક વિલક્ષણ શોટ ચર્ચામાં રહ્યો, જેમાં તેના હાથમાંથી બેટ છૂટી જવા છતાં તેને ચોગ્ગો મળ્યો હતો.
વધુ સમાચાર વાંચવા માટે અંહી ક્લિક કરો: ગુજરાતમાં બેવડી ઋતુ તાપી-વલસાડમાં કમોસમી વરસાદ, જ્યારે સુરેન્દ્રનગરમાં તાપમાન 43.5 ડિગ્રીએ પહોંચ્યું
