Tamil Nadu Results 2026: તમિલનાડુની રાજનીતિમાં દાયકાઓ જૂનો દ્રવિડિયન કિલ્લો ધરાશાયી થતો જોવા મળી રહ્યો છે. ૨૦૨૬ની વિધાનસભા ચૂંટણીના પરિણામોના વલણોમાં મોટો રાજકીય ભૂકંપ આવ્યો છે. સિને સુપરસ્ટાર થલાપતિ વિજયની નવરચિત પાર્ટી ‘તમિલગા વેત્રી કઝગમ’ (TVK) એ પોતાની પ્રથમ ચૂંટણીમાં જ DMK અને AIADMKના દબદબાને તોડીને સત્તાના દ્વાર ખખડાવ્યા છે.
Tamil Nadu Results 2026: સનાતન વિરોધ અને એન્ટી-ઇન્કમ્બન્સીનો ડબલ ફટકો
રાજકીય વિશ્લેષકોના મતે, સત્તાધારી DMKની આ હાર પાછળ ઉદયનિધિ સ્ટાલિનનું સનાતન ધર્મ વિરોધી નિવેદન સૌથી મોટું કારણ સાબિત થયું છે. સનાતનને ડેન્ગ્યુ-મેલેરિયા સાથે સરખાવવાની ટિપ્પણીથી હિન્દુ મતદારોમાં ભારે રોષ હતો. આ ઉપરાંત, સ્ટાલિનની ‘હિન્દી વિરોધ’ની પરંપરાગત વ્યૂહનીતિ પણ આ વખતે યુવા મતદારોને આકર્ષવામાં નિષ્ફળ રહી છે. પરિણામે ૨૦૨૧માં ૧૩૩ બેઠકો જીતનાર DMK આ વખતે માત્ર ૬૦ બેઠકો પર સમેટાઈ ગઈ છે.
Tamil Nadu Results 2026: થલાપતિ વિજય: તમિલનાડુનો નવો ‘સુપરસ્ટાર’ સીએમ?
૨૩૪ બેઠકોની વિધાનસભામાં બહુમતી માટે ૧૧૮ બેઠકોની જરૂર છે, જેની સામે વિજયની પાર્ટી ૧૦૮ બેઠકો પર લીડ મેળવી રહી છે. વિજયે પોતાની પ્રચાર ઝુંબેશમાં કોઈ ધર્મ કે ભાષાના વિરોધને બદલે ‘ભ્રષ્ટાચાર મુક્તિ’ અને ‘રોજગાર’ જેવા મુદ્દાઓ પર ધ્યાન કેન્દ્રિત કર્યું હતું. આ ‘પોસ્ટ-દ્રવિડિયન’ રાજનીતિ યુવાનો અને મધ્યમ વર્ગને સ્પર્શી ગઈ છે.
Tamil Nadu Results 2026: રાજકીય સમીકરણોમાં પલટો
- TVK (વિજય): ૧૦૮ બેઠકો (સૌથી મોટી પાર્ટી બનવા તરફ)
- AIADMK ગઠબંધન: ૬૧ બેઠકો
- DMK ગઠબંધન: ૬૦ બેઠકો
જો વિજય અપક્ષો અથવા અન્ય પક્ષોના ટેકાથી સરકાર બનાવશે, તો તમિલનાડુમાં એમ.જી. રામચંદ્રન અને જયલલિતા બાદ સિનેમાના પડદેથી સીધા સત્તાના શિખરે પહોંચવાનો એક નવો ઇતિહાસ રચાશે.
વધુ સમાચાર વાંચવા માટે અંહી ક્લિક કરો
વડોદરામાં હીટ એન્ડ રન હરણીમાં પૂરપાટ ઝડપે આવતી વાને દંપતીને ફંગોળ્યું, અકસ્માત સર્જી ચાલક ફરાર
