Bengal Election 2026: પશ્ચિમ બંગાળના રાજકીય ઈતિહાસમાં આજે એક નવો અધ્યાય લખાયો છે. હુગલીના કિનારાથી લઈને દાર્જિલિંગની પહાડીઓ સુધી ‘જય શ્રી રામ’ના નાદ સાથે બંગાળે પરિવર્તનની મહોર મારી છે. ભાજપ માટે આ માત્ર ચૂંટણી જીત નથી, પરંતુ તેના પાયાના પથ્થર અને ભારતીય જનસંઘના સ્થાપક ડૉ. શ્યામા પ્રસાદ મુખર્જી પ્રત્યેનું ‘પિતૃઋણ’ અદા કરવાનો અવસર છે.
Bengal Election 2026: વૈચારિક ચક્ર પૂર્ણ: જનસંઘની જન્મભૂમિ પર કમળ ખીલ્યું
જે ધરતી પરથી ૧૯૫૧માં ડૉ. શ્યામા પ્રસાદ મુખર્જીએ ભારતીય જનસંઘની સ્થાપના કરીને એક રાષ્ટ્ર, એક વિધાન અને એક નિશાનનું સપનું જોયું હતું, તે બંગાળમાં ૭૫ વર્ષના લાંબા અંતર બાદ ભાજપે પૂર્ણ બહુમતી સાથે સત્તા મેળવી છે. ભાજપના પિતામહ મુખર્જીની જન્મભૂમિ પર આ જીતને પાર્ટીના કાર્યકરો એક મોટા વૈચારિક વિજય તરીકે જોઈ રહ્યા છે.
Bengal Election 2026: પરિણામોનું ચિત્ર: ભાજપ ૧૯૦ને પાર
૨૦૨૬ના ચૂંટણી પરિણામોના વલણો સ્પષ્ટ કરે છે કે બંગાળની જનતાએ મમતા બેનર્જીના ૧૫ વર્ષના શાસનને અલવિદા કહી દીધું છે.
- ભાજપ: ૧૯૦થી વધુ બેઠકો સાથે પ્રચંડ બહુમતી.
- TMC: ૧૦૦થી ઓછી બેઠકો પર સમેટાયું.
- મહત્વ: ૧૪૮ના બહુમતીના આંકડાને ભાજપે આસાનીથી વટાવી દીધો છે.
Bengal Election 2026: ડાબેરીઓ અને TMCના ગઢમાં ‘સાંસ્કૃતિક રાષ્ટ્રવાદ’ની એન્ટ્રી
બંગાળમાં ૩૪ વર્ષ ડાબેરીઓ અને ૧૫ વર્ષ તૃણમૂલ કોંગ્રેસના શાસન દરમિયાન ભાજપને હંમેશા ‘બહારની પાર્ટી’ તરીકે ચીતરવાનો પ્રયાસ થયો હતો. પરંતુ પીએમ મોદી અને અમિત શાહના નેતૃત્વમાં ભાજપે ‘મા, માટી, માનુષ’ના બદલે ‘સભ્યતાની સુરક્ષા’ અને ‘વિકાસ’નો જે નેરેટિવ રજૂ કર્યો, તેને બંગાળના મધ્યમ વર્ગ અને ગ્રામીણ જનતાએ હૃદયપૂર્વક સ્વીકારી લીધો છે.
Bengal Election 2026: શ્યામા પ્રસાદ મુખર્જીનું સપનું અને મોદીનું વચન
વડાપ્રધાન નરેન્દ્ર મોદીએ પ્રચાર દરમિયાન વારંવાર કહ્યું હતું કે કાશ્મીરમાંથી કલમ ૩૭૦ નાબૂદ કર્યા બાદ હવે બંગાળમાં સુશાસન સ્થાપવું એ ડૉ. મુખર્જીને સાચી શ્રદ્ધાંજલિ હશે. ઘૂસણખોરીના મુદ્દા અને ભ્રષ્ટાચાર સામેના આક્રોશ વચ્ચે જનતાએ ભાજપને ‘બંગાળની પોતાની માટીની પાર્ટી’ તરીકે સ્વીકારીને ઈતિહાસ રચી દીધો છે.
કોલકાતામાં વિજય ઉત્સવ
કોલકાતા સ્થિત ભાજપના હેડક્વાર્ટર ‘હેસ્ટિંગ્સ’માં આજે અભૂતપૂર્વ ઉત્સાહ જોવા મળી રહ્યો છે. ગુલાલની છોળો વચ્ચે કાર્યકરો ડૉ. મુખર્જીના ફોટા સાથે વિજયાદશમી જેવો માહોલ ઉજવી રહ્યા છે. આ જીત સાથે જ ભારતીય રાજનીતિમાં બંગાળ હવે એક નવું કેન્દ્ર બનીને ઉભરી આવ્યું છે.
વધુ સમાચાર વાંચવા માટે અંહી ક્લિક કરો
તમિલનાડુમાં ‘થલાપતિ’નો જાદુ, સનાતન વિરોધ સ્ટાલિનને ભારે પડ્યો, વિજયની પાર્ટી TVK ઐતિહાસિક જીત તરફ
