King Charles’ Witty Rebuttal: વ્હાઇટ હાઉસમાં આયોજિત એક ભવ્ય ડિનર દરમિયાન બ્રિટિશ મહારાજા કિંગ ચાર્લ્સ તૃતીયે પોતાની આગવી સૂઝબૂઝ અને રમૂજ શૈલીથી સૌના દિલ જીતી લીધા હતા. ઈરાન યુદ્ધ અને સંરક્ષણ ખર્ચ જેવા ગંભીર મુદ્દાઓ વચ્ચે કિંગ ચાર્લ્સે અમેરિકી પ્રમુખ ડોનાલ્ડ ટ્રમ્પની મજેદાર રીતે ફિરકી લેતા ઈતિહાસનો પાઠ ભણાવ્યો હતો.
King Charles’ Witty Rebuttal: ‘જર્મન’ વિરુદ્ધ ‘ફ્રેન્ચ’ ભાષાનો કટાક્ષ
ડોનાલ્ડ ટ્રમ્પે અગાઉ યુરોપિયન દેશો પર કટાક્ષ કરતા કહ્યું હતું કે, જો અમેરિકાએ મદદ ના કરી હોત તો યુરોપના દેશો આજે જર્મન ભાષા બોલતા હોત. આ નિવેદનનો વળતો જવાબ આપતા કિંગ ચાર્લ્સે હસતા હસતા કહ્યું:
“મિસ્ટર પ્રેસિડેન્ટ, જો અમે (બ્રિટિશરો) ન હોત, તો તમે આજે કદાચ ફ્રેન્ચ બોલતા હોત!”
આ સાંભળીને આખું હોલ હાસ્યથી ગુંજી ઉઠ્યું હતું. કિંગ ચાર્લ્સનો ઈશારો અમેરિકાની આઝાદી પહેલાના બ્રિટન અને ફ્રાન્સ વચ્ચેના વર્ચસ્વના જંગ તરફ હતો.
King Charles’ Witty Rebuttal: વ્હાઇટ હાઉસ સળગાવવાની ઘટના પર જોક
કિંગ ચાર્લ્સે 1814ના ઇતિહાસને યાદ કરતા પણ મજાક કરી હતી. તે સમયે બ્રિટિશ સૈનિકોએ વ્હાઇટ હાઉસને સળગાવવાનો પ્રયાસ કર્યો હતો, જેનો ઉલ્લેખ કરતા તેમણે કહ્યું કે બ્રિટિશરોએ એક સમયે વ્હાઇટ હાઉસના ‘રિયલ એસ્ટેટ રીડેવલપમેન્ટ’નો પ્રયાસ કર્યો હતો! વધુમાં તેમણે ‘બોસ્ટન ટી પાર્ટી’નો ઉલ્લેખ કરીને આજની સાંજને તેના કરતા ઘણી સુખદ ગણાવી હતી.
King Charles’ Witty Rebuttal: ટ્રમ્પનો વળતો જવાબ અને મજબૂત સંબંધોનો સંદેશ
ડોનાલ્ડ ટ્રમ્પે પણ આ મજાકને ખેલદિલીથી સ્વીકારી હતી. તેમણે રમૂજમાં સ્વીકાર્યું કે કિંગ ચાર્લ્સ જે રીતે ડેમોક્રેટ્સને પણ પોતાની રિસ્પેક્ટમાં ઉભા કરી શક્યા, તેવું કામ તેઓ પોતે ક્યારેય કરી શક્યા નથી.
અમેરિકાની આઝાદીના 250 વર્ષ પૂર્ણ થવાના અવસરે કિંગ ચાર્લ્સે બંને દેશોના ખાસ સંબંધો પર ભાર મૂકતા જણાવ્યું હતું કે, ભલે ભૂતકાળમાં વિવાદો રહ્યા હોય, પરંતુ આજે યુકે અને યુએસ વચ્ચેનું જોડાણ માનવ ઇતિહાસનું સૌથી મહત્વનું જોડાણ છે.
વધુ સમાચાર વાંચવા માટે અંહી ક્લિક કરો
