Gujarat Local Body Polls: ગુજરાતમાં સ્થાનિક સ્વરાજ્યની સંસ્થાઓની ચૂંટણીનો જંગ હવે અંતિમ તબક્કે પહોંચ્યો છે. ગઈકાલે સાંજે 6 વાગ્યાથી પ્રચારના પડઘમ શાંત થઈ ગયા છે અને હવે આદર્શ આચારસંહિતાનો કડક અમલ શરૂ થઈ ગયો છે. હવે ઉમેદવારો જાહેરસભા કે રેલીઓ યોજવાને બદલે માત્ર ‘ડોર ટુ ડોર’ સંપર્ક કરી શકશે.
Gujarat Local Body Polls: PM મોદી પોસ્ટલ બેલેટનો ઉપયોગ કરશે
ચૂંટણીના સૌથી મોટા સમાચાર એ છે કે વડાપ્રધાન નરેન્દ્ર મોદી આ વખતે મતદાન માટે અમદાવાદ નહીં આવે. તેઓ પોતાના મતાધિકારનો ઉપયોગ પોસ્ટલ બેલેટ (ટપાલ દ્વારા મતદાન) થી કરશે. સામાન્ય રીતે પીએમ મોદી અમદાવાદના રાણીપ વિસ્તારમાં મતદાન કરવા આવતા હોય છે, પરંતુ આ વખતે તેઓ રૂબરૂ હાજર નહીં રહે.
Gujarat Local Body Polls: સુરત કોંગ્રેસમાં આંતરિક કલહ: 4 કાર્યકરો સસ્પેન્ડ
સુરત કોંગ્રેસમાં જૂથવાદ અને પક્ષ વિરોધી પ્રવૃત્તિઓ સામે મોટું પગલું ભરવામાં આવ્યું છે. ચૂંટણી ટાણે જ પક્ષ વિરુદ્ધ કામ કરનારા 4 કાર્યકરોને 6 વર્ષ માટે સસ્પેન્ડ કરી દેવામાં આવ્યા છે. આ શિસ્તભંગની કાર્યવાહીથી રાજકીય વર્તુળોમાં ચર્ચાઓ તેજ બની છે.
અંતિમ દિવસે દિગ્ગજોના રોડ શો
Gujarat Local Body Polls: પ્રચારના અંતિમ કલાકોમાં તમામ પક્ષોએ પૂરી તાકાત લગાવી દીધી હતી:
- ભાજપ: અમદાવાદમાં મુખ્યમંત્રી અને પ્રદેશ પ્રમુખે ભવ્ય રોડ શો કર્યા હતા. અભિનેતા અને સાંસદ મનોજ તિવારી તેમજ હિતુ કનોડિયાએ પણ કેસરિયો માહોલ જમાવ્યો હતો.
- કોંગ્રેસ અને AAP: કોંગ્રેસ અને આમ આદમી પાર્ટીના નેતાઓએ પણ જનસભાઓ ગજવીને મતદારોને રિઝવવા એડીચોટીનું જોર લગાવ્યું હતું.
ચૂંટણી પંચના પરિપત્રનો વિરોધ
ચૂંટણી પંચે એજન્ટોની નિમણૂક અંગેનો એક જૂનો પરિપત્ર રદ્દ કર્યો છે, જે મુજબ હવે ગુનાહિત ઈતિહાસ ધરાવતા એજન્ટોની નિમણૂક પરનો પ્રતિબંધ દૂર થયો છે. આ મામલે કોંગ્રેસ પ્રદેશ પ્રમુખ અમિત ચાવડા અને ડો. હેમાંગ વસાવડાએ ચૂંટણી પંચને લેખિતમાં રજૂઆત કરી ઉગ્ર વિરોધ નોંધાવ્યો છે.
વધુ સમાચાર વાંચવા માટે અંહી ક્લિક કરો
Table of Contents
