Local Body Polls: ગુજરાતમાં સ્થાનિક સ્વરાજ્યની ચૂંટણી પ્રચારના અંતિમ દિવસે રાજ્યના રાજકારણમાં ભારે ગરમાવો જોવા મળી રહ્યો છે. મતદારોને રીઝવવા માટે ભાજપ, કોંગ્રેસ સહિતના તમામ પક્ષોએ પોતાની પૂરી તાકાત ઝોંકી દીધી છે. રાજ્યભરમાં રેલીઓ, રોડ શો અને સભાઓના ગુંજારવ વચ્ચે આજે વાતાવરણ ચૂંટણીમય બન્યું છે.
Local Body Polls: મુખ્યમંત્રીના નેતૃત્વમાં ભાજપનો વિજય હુંકાર
અમદાવાદ શહેરમાં ભાજપ દ્વારા આજે ભવ્ય વિજય સંકલ્પ રોડ શોનું આયોજન કરવામાં આવ્યું હતું. રાજ્યના મુખ્યમંત્રી ભૂપેન્દ્ર પટેલ પોતે પ્રચાર મેદાનમાં ઉતર્યા હતા. તેમણે શહેરના બાપુનગર અને ઇન્ડિયા કોલોની વોર્ડમાં જંગી રોડ શો યોજીને ભાજપના પક્ષમાં માહોલ બનાવ્યો હતો.
- રથ પર દિગ્ગજ નેતાઓ: રોડ શો દરમિયાન મુખ્યમંત્રીની સાથે ભાજપ પ્રદેશ પ્રમુખ જગદીશ વિશ્વકર્મા અને શહેર ભાજપ પ્રમુખ પ્રેરક શાહ પણ રથ પર સવાર રહ્યા હતા.
- ભવ્ય સ્વાગત: ઠક્કરબાપાનગર રોડ પર નીકળેલા આ રોડ શોમાં લોકોની ભારે ભીડ ઉમટી પડી હતી. સ્થાનિક નાગરિકો અને કાર્યકરોએ ફૂલહાર અને પુષ્પવર્ષા સાથે મુખ્યમંત્રીનું ઉષ્માભર્યું સ્વાગત કર્યું હતું.
Local Body Polls: સરદાર પટેલને પુષ્પાંજલિ
પ્રચાર અભિયાન દરમિયાન મુખ્યમંત્રીએ બાપુનગર સ્થિત શ્યામ શિખર ચાર રસ્તા પર પહોંચી લોખંડી પુરુષ સરદાર વલ્લભભાઈ પટેલની પ્રતિમાને પુષ્પાંજલિ અર્પણ કરી હતી. આ તબક્કે તેમણે વિકાસના મુદ્દે જનતાના આશીર્વાદ માંગ્યા હતા.
Local Body Polls: પક્ષો વચ્ચે ખરાખરીની જંગ
ચૂંટણીના અંતિમ કલાકોમાં ભાજપે રોડ શો દ્વારા પોતાની સંગઠન શક્તિનું પ્રદર્શન કર્યું છે, તો બીજી તરફ કોંગ્રેસ અને અન્ય વિપક્ષી દળોએ પણ ડોર-ટુ-ડોર પ્રચાર અને નાની સભાઓ દ્વારા મતદારો સુધી પહોંચવા ‘એડીચોટીનું જોર’ લગાવ્યું છે.
“આજ સાંજથી લાઉડસ્પીકરો શાંત થશે અને ઉમેદવારોની કિસ્મત હવે ઈવીએમમાં કેદ થવા તરફ આગળ વધશે. જોવાનું એ રહેશે કે જનતા જનાર્દન કોના શિરે વિજયનો તાજ પહેરાવે છે.”
વધુ સમાચાર વાંચવા માટે અંહી ક્લિક કરો
ગીરમાં રુંવાડા ઉભા કરી દેતી ઘટના શિકાર છોડી સિંહે બાળકી પાછળ દોટ મૂકી, સેલ્ફીના મોખમાં જીવનું જોખમ
