Iran’s Stealth Tactics: મધ્ય પૂર્વના દરિયામાં અત્યારે ‘ચોર-પોલીસ’ જેવી રમત ચાલી રહી છે. વિશ્વની સૌથી શક્તિશાળી ગણાતી અમેરિકી નેવી (US Navy) ની કડક નાકાબંધી હોવા છતાં, ઈરાનના બે વિશાળ ઓઈલ ટેન્કરો ‘હીરો-સેકન્ડ’ અને ‘હેડી’ તેમની આંખમાં ધૂળ નાખીને પસાર થઈ જવામાં સફળ રહ્યા છે. આ બંને જહાજો આશરે 40 લાખ બેરલ ક્રૂડ ઓઈલ લઈને અત્યારે અરબી સમુદ્રમાં પહોંચી ગયા છે.
Iran’s Stealth Tactics: કેવી રીતે આપી અમેરિકાને થાપ?
સ્ટ્રેટ ઓફ હોર્મુઝ અને ગલ્ફ ઓફ ઓમાનમાં અમેરિકાએ કડક વોચ ગોઠવી છે, છતાં ઈરાને આ રીતે રસ્તો કાઢ્યો:
- ડાર્ક મોડ ઓપરેશન: આ જહાજોએ અંધારી રાત્રે પોતાની તમામ લાઈટો બંધ કરી દીધી હતી.
- ટ્રેકિંગ સિસ્ટમ બંધ: જહાજનું લોકેશન બતાવતી AIS ટ્રાન્સપોન્ડર્સ (GPS જેવી સિસ્ટમ) બંધ કરી દેવામાં આવી હતી, જેથી તે રડારમાં પકડાય નહીં.
- વેશપલટો: અમેરિકી નૌસેનાને છેતરવા માટે ઈરાની જહાજોએ અન્ય દેશોના ધ્વજ લગાવ્યા હતા અને પોતાના નામ પણ બદલી નાખ્યા હતા.
Iran’s Stealth Tactics: ઈરાનનો ‘શેડો ફ્લીટ’ સક્રિય
રિપોર્ટ અનુસાર, ઈરાન તેના ‘શેડો ફ્લીટ’ (ગુપ્ત જહાજોનો કાફલો) દ્વારા આંતરરાષ્ટ્રીય પ્રતિબંધોને તોડી રહ્યું છે. અત્યાર સુધીમાં ઈરાનના 34 ટેન્કરો નાકાબંધી પાર કરી ચૂક્યા છે અને આશરે 90 લાખ બેરલ તેલની નિકાસ કરવામાં સફળ રહ્યા છે. અમેરિકા તેલના પુરવઠાને રોકીને ઈરાન પર આર્થિક દબાણ લાવવા માંગે છે, પરંતુ ઈરાન નવી તરકીબોથી વેપાર ચાલુ રાખી રહ્યું છે.
વધુ સમાચાર વાંચવા માટે અંહી ક્લિક કરો
હવે વિમાન પણ દોડશે ‘ઈથેનોલ’ પર! કેન્દ્ર સરકારનો મોટો નિર્ણય, શું સસ્તી થશે હવાઈ મુસાફરી?
