Rain Scare in Gujarat: રાજ્યમાં ફરી એકવાર વાતાવરણમાં પલટો આવવાની શક્યતા છે. હવામાન વિભાગે આજથી 20 માર્ચ સુધી ગુજરાતના અનેક જિલ્લાઓમાં ગાજવીજ અને ભારે પવન સાથે કમોસમી વરસાદની આગાહી કરી છે. ‘અપર એર સાઇક્લોનિક સર્ક્યુલેશન’ સિસ્ટમ સક્રિય થવાને કારણે જગતનો તાત ચિંતામાં મુકાયો છે, કારણ કે ખેતરોમાં ઉભો પાક અને માર્કેટ યાર્ડોમાં પડેલી જણસો પલળી જવાનો ભય છે.
Rain Scare in Gujarat: કયા જિલ્લાઓમાં વરસાદની વધુ અસર?
હવામાન વિભાગના જણાવ્યા અનુસાર, ખાસ કરીને 19 અને 20 માર્ચ દરમિયાન મેઘરાજાની એન્ટ્રી આ વિસ્તારોમાં થઈ શકે છે:
- ઉત્તર ગુજરાત: બનાસકાંઠા, પાટણ, સાબરકાંઠા અને અરવલ્લી.
- સૌરાષ્ટ્ર: રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા અને ગીર સોમનાથ.
- દક્ષિણ અને મધ્ય ગુજરાત: સુરત, ભરૂચ, નવસારી, વલસાડ, ડાંગ, તાપી, પંચમહાલ અને દાહોદ.
- કચ્છ અને દીવ: સરહદી જિલ્લાઓમાં પણ ભારે પવન સાથે માવઠું પડી શકે છે.
Rain Scare in Gujarat: માર્કેટ યાર્ડોમાં દોડાદોડી: ખેડૂતો માટે એલર્ટ
શિયાળુ પાક જેવા કે ઘઉં, રાયડો અને રાજગરો તૈયાર થઈ ગયા હોવાથી ખેડૂતો પોતાનો માલ બચાવવા ઉતાવળે યાર્ડ તરફ દોડી રહ્યા છે.
- ડીસા માર્કેટ યાર્ડની અપીલ: ડીસા યાર્ડના સેક્રેટરી દ્વારા ખેડૂતોને હાલ નવો માલ યાર્ડમાં ન લાવવા વિનંતી કરવામાં આવી છે.
- સલામતીના પગલાં: યાર્ડમાં હાજર રહેલા માલને તાડપત્રીથી ઢાંકીને સુરક્ષિત રાખવા માટે વેપારીઓ અને ખેડૂતોને સૂચના આપવામાં આવી છે.
Rain Scare in Gujarat: તાપમાનમાં ઘટાડો અને વાતાવરણ ક્યારે ચોખ્ખું થશે?
આગામી ત્રણ દિવસમાં વરસાદી માહોલને કારણે મહત્તમ તાપમાનમાં 2થી 3 ડિગ્રી સેલ્સિયસનો ઘટાડો નોંધાશે, જેનાથી કાળઝાળ ગરમીમાં આંશિક રાહત મળશે. જોકે, 21 માર્ચથી વાતાવરણ ફરી એકવાર ચોખ્ખું થવાની અને આકાશ ખૂલવાની શક્યતા છે.
વધુ સમાચાર વાંચવા માટે અંહી ક્લિક કરો
