Bomb Scare in Ahmedabad: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) ની પરીક્ષાઓના અંતિમ ચરણમાં જ અમદાવાદ શહેરની શાંતિ હણવાનો પ્રયાસ થયો છે. શહેરની જાણીતી અને પ્રતિષ્ઠિત શાળાઓને ઈ-મેઈલ દ્વારા બોમ્બથી ઉડાવી દેવાની ધમકી મળતા પોલીસ તંત્ર અને શિક્ષણ જગતમાં દોડધામ મચી ગઈ છે.
Bomb Scare in Ahmedabad: પશ્ચિમ વિસ્તારની શાળાઓ બની નિશાન
પ્રાપ્ત માહિતી અનુસાર, અજાણ્યા શખ્સો દ્વારા મોકલવામાં આવેલા આ ધમકીભર્યા મેઈલમાં શહેરના પશ્ચિમ વિસ્તારની હાઈ-પ્રોફાઈલ શાળાઓને નિશાન બનાવવામાં આવી છે. જેમાં મુખ્યત્વે:
- મહારાજા અગ્રસેન સ્કૂલ (મેમનગર)
- કેલોરેક્સ સ્કૂલ (ઘાટલોડિયા)
- શાંતિ એશિયાટિક સ્કૂલ
સવારના સમયે જ્યારે વિદ્યાર્થીઓ પરીક્ષા આપવાની તૈયારીમાં હતા, ત્યારે જ સ્કૂલના સત્તાધીશોને આ વિસ્ફોટક ઈ-મેઈલ મળ્યા હતા.
Bomb Scare in Ahmedabad: પોલીસ અને બોમ્બ સ્ક્વોડનું મેગા સર્ચ ઓપરેશન
ધમકીની જાણ થતા જ અમદાવાદ પોલીસ એક્શન મોડમાં આવી ગઈ હતી. ગણતરીની મિનિટોમાં જ:
- બોમ્બ ડિસ્પોઝલ સ્ક્વોડ (BDDS) અને ડોગ સ્ક્વોડ ઘટનાસ્થળે પહોંચી હતી.
- તકેદારીના ભાગરૂપે શાળાઓમાં વર્ગખંડો ખાલી કરાવાયા હતા અને વિદ્યાર્થીઓને સુરક્ષિત રીતે બહાર કાઢવામાં આવ્યા હતા.
- શાળાના ખૂણેખૂણામાં સઘન ચેકિંગ હાથ ધરવામાં આવ્યું હતું. સદનસીબે, હજુ સુધી કોઈ શંકાસ્પદ વસ્તુ મળી આવી નથી.
Bomb Scare in Ahmedabad: સાયબર ક્રાઈમ મેઈલના મૂળ સુધી પહોંચવા સક્રિય
અમદાવાદ સાયબર ક્રાઈમ બ્રાન્ચે આ મામલે તપાસ તેજ કરી છે. પોલીસના મતે આ એક ‘હોક્સ કોલ’ (ખોટી ધમકી) હોઈ શકે છે, જેનો હેતુ માત્ર દહેશત ફેલાવવાનો હતો. અગાઉ ગણતંત્ર દિવસ અને બજેટ સત્ર દરમિયાન પણ આવી ધમકીઓ મળી હતી, જેમાં વિદેશી સર્વરનો ઉપયોગ થયો હોવાનું સામે આવ્યું હતું. હાલ પોલીસ ઈ-મેઈલનું IP એડ્રેસ ટ્રેસ કરી રહી છે.
વધુ સમાચાર વાંચવા માટી અંહી ક્લિક કરો
2 દિવસના માસૂમને પાણીપુરીની લારીમાં તરછોડી બે યુવતીઓ ફરાર, સમગ્ર ઘટના CCTVમાં કેદ
