Law Ministry Data: દેશની અદાલતોમાં લાખો કેસો પેન્ડિંગ હોવાનું મુખ્ય કારણ હવે સામે આવ્યું છે. કેન્દ્રીય કાયદા અને ન્યાય મંત્રાલય દ્વારા જાહેર કરાયેલા તાજેતરના ડેટા મુજબ, ભારતમાં પ્રતિ 10 લાખની વસ્તી પર માત્ર 22 જજ છે. આ આંકડો વિકસિત દેશોની સરખામણીએ અત્યંત ઓછો છે, જે દર્શાવે છે કે ભારતીય ન્યાયતંત્ર પર કામનું ભારણ કેટલું અસહ્ય છે.
Law Ministry Data: વૈશ્વિક સરખામણી: ભારત ઘણું પાછળ
વસ્તી અને જજોના ગુણોત્તર (Judge-to-Population Ratio) મામલે ભારત અન્ય દેશોની તુલનામાં ખૂબ જ પાછળ છે:
- ચીન: પ્રતિ 10 લાખની વસ્તીએ 300 જજ.
- યુરોપિયન દેશો: પ્રતિ 10 લાખની વસ્તીએ 220 જજ.
- અમેરિકા: પ્રતિ 10 લાખની વસ્તીએ 150 જજ.
- ભારત: પ્રતિ 10 લાખની વસ્તીએ માત્ર 22 જજ.
Law Ministry Data: 38 વર્ષ જૂની ભલામણ પણ હજુ અધૂરી
કાયદા પંચે 1987માં ભલામણ કરી હતી કે દેશમાં ઝડપી ન્યાય માટે 10 લાખની વસ્તીએ જજોની સંખ્યા 50 હોવી જોઈએ. સુપ્રીમ કોર્ટે પણ 2002માં આ આંકડો 2007 સુધીમાં હાંસલ કરવા નિર્દેશ આપ્યો હતો. જોકે, વર્ષ 2026માં પણ આપણે તે લક્ષ્યાંકથી અડધા પણ નથી પહોંચ્યા.
ખાલી જગ્યાઓનો પહાડ
ન્યાય મંત્રાલયના ડેટા મુજબ:
- જિલ્લા અદાલતો: કુલ 25,439 મંજૂર જગ્યાઓમાંથી લગભગ 5,000 જગ્યાઓ ખાલી છે.
- હાઈકોર્ટ: 1,122 મંજૂર જગ્યાઓ સામે અંદાજે 300 જગ્યાઓ ખાલી છે.
- સુપ્રીમ કોર્ટ: 34 મંજૂર જગ્યાઓમાંથી હાલ 33 જજ કાર્યરત છે.
Law Ministry Data: ગુજરાત અને અન્ય રાજ્યોની સ્થિતિ
વિભિન્ન રાજ્યોમાં પણ આ ગુણોત્તર અલગ-અલગ છે. પશ્ચિમ બંગાળમાં સ્થિતિ સૌથી ગંભીર છે:
- મિઝોરમ: 67.44 (સૌથી વધુ)
- દિલ્હી: 53.43
- ગુજરાત: 28.46
- બિહાર: 19.45
- પશ્ચિમ બંગાળ: 12.05 (સૌથી ઓછું)
વધુ સમાચાર વાંચવા માટે અંહી ક્લિક
