BLO Commits Suicide : BLOSuicide , #TeacherSuicide , #GirSomnathNews , #KodinarNews , #BreakingNews , ગીર સોમનાથ જિલ્લાના કોડીનાર તાલુકાના છારા ગામે ફરજ બજાવતા શિક્ષક અને BLO અરવિંદ મૂળજી વાઢેર (ઉંમર 40) દ્વારા આજ સવારે આત્મહત્યા કરવામાં આવી હોવાની દુઃખદ ઘટના સામે આવી છે. માનસિક તણાવ, કામગીરીનો અતિરિક્ત બોજ અને ઉપલી કચેરીની સતત દબાણસભર SIR કામગીરીને કારણે તેઓ ડિપ્રેશનમાં ધકેલાઈ ગયા હોવાનો પરિવારજનો અને શિક્ષકમંડળનો આક્ષેપ છે. પોતાના વતન દેવળી ગામે તેઓએ ફાંસો ખાઈ જીવન ટૂંકાવ્યું હતું. આ ઘટનાએ માત્ર એક પરિવારને નહીં, પરંતુ આખા શિક્ષક વર્ગને હચમચાવી નાખ્યો છે.
BLO Commits Suicide : સુસાઇડ નોટમાં લખ્યું— “હું મજબૂર થઈ ગયો છું… આ કામ હવે મારા દ્વારા શક્ય નથી”
પ્રાથમિક માહિતી મુજબ, આત્મહત્યા કરતા થોડા સમય પહેલાં અરવિંદભાઈએ પોતાની પત્ની સંગીતાને સંબોધીને એક ભાવનાથી ભરેલી સુસાઇડ નોટ લખી હતી. નોટમાં તેમણે સ્પષ્ટ લખ્યું હતું કે છેલ્લા ઘણા દિવસોથી તેઓ પ્રચંડ માનસિક તણાવ અનુભવી રહ્યા હતા અને SIRની કામગીરીને લઇને અતિશય દબાણમાં હતા.
“મારે હવે આ SIRનું કામ થઈ શકે તેમ નથી. હું ઘણા દિવસોથી ભારે તણાવ અનુભવું છું… તારે અને આપણા દીકરાનું ધ્યાન રાખજે… હું બહુ મજબૂર બની ગયો છું… હવે આ અંતિમ રસ્તો જ બચ્યો છે.”
આ શબ્દોએ સમગ્ર શિક્ષક સમાજને હચમચાવી દીધો છે. તેમની નોટ સાથેનો થેલો પણ મળી આવ્યો છે, જેમાં શાળાની કામગીરીના દસ્તાવેજો હતાં.
BLO Commits Suicide : શિક્ષક વર્ગમાં રોષ: “દબાણનો અંત આવે, નહીં તો આ ઘટનાઓ વધે”
ઘટના બાદ ગ્રામ્ય વિસ્તારમાં શોકનું મોજું ફેલાયું છે. ખાસ કરીને શિક્ષક સમુદાયમાં રોષ અને વ્યથા છવાઈ છે. કારણ કે લાંબા સમયથી તેઓ SIRની કામગીરીના વધારો, BLO ફરજો, સર્વે, રિપોર્ટ્સ અને નોન-એકેડેમિક ડ્યુટીઝના સતત ભાર અંગે વિરોધ દર્શાવતા આવ્યા છે.
BLO Commits Suicide : અખિલ ભારતીય રાષ્ટ્રીય શૈક્ષણિક મહાસંઘ મેદાને —પરિવારને 1 કરોડની સહાય આપો’
ઘટના બાદ અખિલ ભારતીય રાષ્ટ્રીય શૈક્ષણિક મહાસંઘે કડક પ્રતિસાદ આપ્યો છે. મહાસંઘના પ્રદેશ અધ્યક્ષ મિતેષ ભટ્ટે જણાવ્યું:“આત્મહત્યા કરવાની પરિસ્થિતિ સર્જાઈ તે રાજ્યની શિક્ષણ વ્યવસ્થાની અતિશય ખામી બતાવે છે. શિક્ષકોને રાબેતા કરતા ઘણો વધારે કામનો બોજ મુકવામાં આવે છે. આપણે મુખ્યમંત્રી સુધી ફરિયાદ લઈ ગયા હતાં. હવે આ ઘટના વધુ મોટું ચિંતા ચિન્હ છે. અમે મૃતક પરિવારને એક કરોડની સહાય આપવામાં આવે અને જવાબદાર અધિકારીઓ સામે દંડાત્મક કાર્યવાહી થાય એવી માંગ કરીએ છીએ.”
વધારે સમાચાર વાંચવા નીચે આપેલ લિન્ક પર ક્લિક કરો
