Delhi New CM Atishi Marlena: દિલ્હીને નવા મુખ્યમંત્રી મળ્યા છે. આમ આદમી પાર્ટી (AAP)ના તમામ ધારાસભ્યોએ આતિશી માર્લેનાને ધારાસભ્ય દળના નેતા તરીકે ચૂંટ્યા છે. હવે આતિશી અરવિંદ કેજરીવાલ (Arvind Kejriwal) નું સ્થાન લેશે. તે દિલ્હીના મુખ્યમંત્રી પદ સંભાળશે.
સુષ્મા સ્વરાજ અને શીલા દીક્ષિત પછી દિલ્હીના મુખ્યમંત્રી પદ સંભાળનાર આતિશી ત્રીજી મહિલા હશે. હાલ, તે પશ્ચિમ બંગાળના મુખ્યમંત્રી મમતા બેનર્જી પછી ભારતના બીજા મહિલા મુખ્યમંત્રી પણ બનશે.
કોણ છે આતિશી? | Who is Atishi?
દિલ્હીના કાલકાજી વિધાનસભા ક્ષેત્રના ધારાસભ્ય આતિશી (Atishi) આમ આદમી પાર્ટીના નેતા અને પાર્ટીની રાજકીય બાબતોની સમિતિ (PAC)ના સભ્ય છે. હાલમાં આતિશી કેજરીવાલ સરકારમાં શિક્ષણ, PWD, સંસ્કૃતિ અને પર્યટન મંત્રી તરીકે જવાબદારી નિભાવી રહ્યા છે. આ પહેલા તે પૂર્વ શિક્ષણ મંત્રી મનીષ સિસોદિયાના સલાહકાર તરીકે પણ કામ કરી ચૂકી છે.
2019ની લોકસભા ચૂંટણીમાં, આતિશી આમ આદમી પાર્ટી (Aam Aadmi Party) દ્વારા જાહેર કરાયેલા ઉમેદવારોમાં સામેલ હતી. તેમજ સંસ્થાને તૈયાર કરવાની જવાબદારી પણ તેમને સોંપવામાં આવી હતી. તેમણે રાજધાનીની સરકારી શાળાઓમાં શિક્ષણની સ્થિતિ સુધારવામાં મહત્વની ભૂમિકા ભજવી હતી.
ઓક્સફર્ડ યુનિવર્સિટીમાંથી શિક્ષણ
દિલ્હી યુનિવર્સિટીના પ્રોફેસર વિજય કુમાર સિંહ અને ત્રિપતા વાહીના ઘરે જન્મેલી આતિશી (Atishi)એ સ્પ્રિંગડેલ સ્કૂલ, દિલ્હીમાંથી સ્કૂલિંગ કર્યું હતું. ત્યારબાદ તેણીએ સેન્ટ સ્ટીફન્સ કોલેજમાં ઇતિહાસનો અભ્યાસ કર્યો, જ્યાં તેણી દિલ્હી યુનિવર્સિટીમાં પ્રથમ ક્રમે રહી.
તે પછી તે ચેવનિંગ શિષ્યવૃત્તિ પર માસ્ટર ડિગ્રી મેળવવા માટે ઓક્સફર્ડ યુનિવર્સિટી (Oxford University) માં ગઈ. થોડા વર્ષો પછી તેમણે શિક્ષણ સંશોધનમાં રોડ્સ સ્કોલર તરીકે ઓક્સફોર્ડમાંથી તેમની બીજી માસ્ટર ડિગ્રી મેળવી.
મધ્યપ્રદેશના ગામમાં 7 વર્ષ વિતાવ્યા
શિક્ષણ પૂરું કર્યા પછી, સમાજમાં પરિવર્તન લાવવાની આતિશી(Atishi) નો જુસ્સો તેને રાજકારણમાં લઈ આવ્યો. તેણીએ મધ્યપ્રદેશના એક નાના ગામમાં સાત વર્ષ વિતાવ્યા, જ્યાં તેણી ઓર્ગેનિક ખેતી અને પ્રગતિશીલ શિક્ષણ પ્રણાલી સાથે સંકળાયેલી હતી. તેમણે ત્યાં ઘણી બિન-લાભકારી સંસ્થાઓ સાથે કામ કર્યું, જ્યાં તેઓ આમ આદમી પાર્ટીના સભ્યોને મળ્યા.
આતિશી 2013માં આમ આદમી પાર્ટીની સ્થાપના સમયે AAP માં જોડાઈ હતી. તેમણે પાર્ટીની રચનાના પ્રારંભિક તબક્કામાં AAP ની નીતિઓને આકાર આપવામાં મહત્વની ભૂમિકા ભજવી હતી. તેમણે પાર્ટીના પ્રવક્તા તરીકે પણ સેવા આપી હતી. ટીવી ચેનલો પર તેમની બોલવાની રીત અને તેમના શાંત સ્વભાવે લોકોનું ધ્યાન ખેંચ્યું હતું. આતિશીએ શરૂઆતથી જ શિક્ષણ પ્રણાલી પર વિશેષ ભાર મૂક્યો હતો.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
