Siddharth Mallya: વિજય માલ્યાના પુત્ર સિદ્ધાર્થ માલ્યાએ એક વર્ષ સુધી ડેટ કર્યા બાદ જાસ્મિન સાથે લગ્ન કર્યા છે. બંનેએ સાદા વિધિથી લગ્ન કરી લીધા. આ લગ્ન લંડન નજીક વિજય માલ્યાની હવેલી ‘લેડીવોક’માં થયા હતા. સિદ્ધાર્થે વિજય માલ્યાથી અલગ પોતાની ઓળખ બનાવી છે.
સિદ્ધાર્થ માલ્યા (Siddharth Mallya) તેની વૈભવી જીવનશૈલી માટે જાણીતો છે. તેણે એક સારા સમાચાર સાથે બધાનું ધ્યાન ખેંચ્યું છે. સિદ્ધાર્થે તેની ગર્લફ્રેન્ડ જાસ્મીન સાથે લગ્ન કર્યા છે. સિદ્ધાર્થ અને જાસ્મિન એક વર્ષથી વધુ સમયથી એકબીજાને ડેટ કરી રહ્યાં હતાં. લગ્ન લંડન નજીક સિદ્ધાર્થ માલ્યાના પિતા વિજય માલ્યાની હવેલી ‘લેડીવોક’માં થયા હતા. લગ્ન સાદા સમારંભમાં થયા હતા. પિતા વિજય માલ્યાના બિઝનેસ એમ્પાયર સિવાય સિદ્ધાર્થ માલ્યાએ અનેક ક્ષેત્રોમાં પોતાનું કરિયર બનાવ્યું છે. અભ્યાસ પૂરો કર્યા પછી, તેણે ડિયાજિયો ખાતે ગિનિસ માટે આસિસ્ટન્ટ બ્રાન્ડ મેનેજર તરીકે કામ કર્યું. આ પછી સિદ્ધાર્થે રોયલ ચેલેન્જર્સ બેંગ્લોર IPL ક્રિકેટ ટીમના ડિરેક્ટરની ભૂમિકા ભજવી હતી.
Siddharth Mallya: મોડલિંગની દુનિયામાં અલગ ઓળખ
2012માં સિદ્ધાર્થે ‘નો બાઉન્ડ્રીઝ’ નામનો ઈન્ટરનેટ ટોક શો શરૂ કર્યો હતો. આ સાથે તેણે કોર્પોરેટ જગત સિવાય પોતાની અલગ ઓળખ બનાવી. સિદ્ધાર્થે ફેશન ઈન્ડસ્ટ્રીમાં પણ કામ કર્યું છે. તેણે ઘણા પ્રખ્યાત ડિઝાઇનરો માટે રેમ્પ વોક કર્યું છે. તાજેતરમાં તેણે પોતાનો યુટ્યુબ શો ‘સિડ સેશન્સ’ પણ શરૂ કર્યો હતો.
માલ્યા જુનિયર કરોડો રૂપિયાની સંપત્તિના માલિક છે વિવિધ મીડિયા અહેવાલો અનુસાર, 2023 સુધીમાં, સિદ્ધાર્થ માલ્યાની કુલ સંપત્તિ આશરે $380 મિલિયન (આશરે રૂ. 3,175 કરોડ) હોવાનો અંદાજ છે. બિઝનેસ, એન્ટરટેઈનમેન્ટ અને મોડલિંગની દુનિયામાંથી આ તેની કમાણી છે. જો કે આ અંગે સત્તાવાર રીતે ખુલાસો કરવામાં આવ્યો નથી.
સિદ્ધાર્થ માલ્યાની પત્ની જાસ્મીન પણ એકદમ ડાયનેમિક છે. અમેરિકામાં રહેતી જાસ્મિનને પણ સિદ્ધાર્થની જેમ નવી જગ્યાએ ફરવાનું પસંદ છે. આ તેની સોશિયલ મીડિયા પોસ્ટ્સ પરથી સ્પષ્ટ દેખાય છે. તે નાગરિક અધિકારો અને માનવ અધિકાર કાયદા જેવા મુદ્દાઓ પર પણ તેના મંતવ્યો વ્યક્ત કરે છે.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
