BABA VANGA PREDICTIONS દર વખતે સાચી પડી છે. 2024 માટે કરી છે આ ડરાવનારી ભવિષ્યવાણી
BABA VANGA PREDICTIONS : રાજકુમારી ડાયનાની મૃત્યુની ભવિષ્યવાણી હોય કે પછી રશિયન સબમરીન કુર્સ્ક ડુબવાની, અથવા તો 9/11નો આતંકી હુમલો કે પછી કોરોના વાઈરસ મહામારીની ભવિષ્યવાણી. આ તમામ ભવિષ્યવાણી બાબા વાંગા બહુ પહેલા કરી ચુક્યા છે, અને તેમણે 2024ને લઈ પણ ભવિષ્યવાણી કરી છે.
વર્ષો પહેલા જેમણે આટલી સટીક ભવિષ્યવાણી કરી અને સાચી પડી છે. તેમણે 2024 માટે શું લખ્યું છે તે વાતની ઉત્સુકતા હોવી વાજબી છે. પરંતુ પહેલા એ જાણી લઈએ કે બાબા વાંગા કોણ હતા. બાબા વાંગા બલ્ગેરિયાના વિશ્વ વિખ્યાત ભવિષ્યવક્તા છે.
બાબા વાંગાનું બાળપણ
બાબા વાંગાનો જન્મ બલ્ગેરિયાના સ્ટ્રુમિકામાં 31 જાન્યુઆરી 1911ના રોજ થયો હતો. બાબાનું પૂરું નામ વાંગલિયા પાંડેવા ગુશતરોવા હતું. લોકો તેમને પ્રેમથી બાબા વાંગાના નામથી બોલાવતા હતા અને પછીથી તેઓ આ જ નામથી ઓળખાવા લાગ્યા.
જન્મના થોડા સમય પછી તેમની માતાનું મૃત્યુ થયું હતું. જ્યારે તેમના પિતાને શંકાસ્પદ જાસૂસ ગણીને જેલમાં પૂરવામાં આવ્યા હતા. એ પછીથી બાબા વાંગાની સ્થિતિ બદલાઈ ગઈ. તેઓ સંપૂર્ણ રીતે તેમની આસપાસના લોકોની દયા અને સંવેદના પર જ નિર્ભર થઈ ગયા હતા.
બાબા વાંગા વાવાઝોડામાં ફસાયા
બાબા વાંગાની જે તસવીરો છે તેમાં તેમની આંખો બંધ છે.. આ વિશે તેમણે તેમની ટેસ્ટિમનીમાં ઉલ્લેખ કર્યો છે. તેમના જણાવ્યા મુજબ, એક ભયાનક વાવાઝોડામાં ફસાયા પછી તેઓ કોઈ જગ્યાએ પડી ગયાં હતાં. તેમની આંખોમાં રેતી ભરાઈ ગઈ હતી અને બાબા વેંગાને ખૂબ જ દર્દ થઈ રહ્યું હતું. સમય પસાર થવાની સાથે ઈજા તો મટી ગઈ, પરંતુ તેમની આંખો જતી રહી હતી.
આંખો જતી રહી પછી તાકાતનો અનુભવ
આંખો જતી રહ્યા પછી બાબા વાંગાને એક અલગ તાકાતનો અનુભવ થયો હતો.એને પગલે તેઓ નાની-મોટી બીમારીઓની સારવાર પોતાની જાતે જ કરવા લાગ્યાં. આ સિવાય તેઓ કોઈ ઘટનાને લઈને અનુમાન કરે એ સત્ય સાબિત થતા હતા.
બાબા વાંગાની કઈ પુસ્તક છે વિશ્વસનીય?
વર્ષ 1996માં તેમનું બ્રેસ્ટ કેન્સરના કારણે અવસાન થયું હતું. મૃત્યુ પહેલાં, તેમણે વર્ષ 5079 સુધી ભવિષ્યની આગાહી કરી હતી. તેમના જીવનકાળમાં મોટા-મોટા રાજકારણીઓથી લઈને સામાન્ય લોકો સુધીના ઘણા લોકો તેમના શિષ્ય રહ્યા હતા. બાબાને જાતે લખતા કે વાંચતા આવડતું નહોતું. તેઓ બોલતા અને લોકો તેમની ભવિષ્યવાણી લખતા હતા. આ રીતે બાબા વેંગાની ભવિષ્યવાણીઓનું કલેક્શન થયું હતું. જેના પર બુક્સ પણ લખાઈ છે અને ફિલ્મો પણ બની છે. વાંગાની ભવિષ્યવાણીના કમ્પાઈલેશનમાં ‘Vanga. A Look at Russia’ નામના પુસ્તકને સૌથી વિશ્વસનીય માનવામાં આવે છે.
વર્ષ 2023 માટે તેમની તમામ ભવિષ્યવાણીઓ સાચી સાબિત થઈ છે. ધરતી પર આવનાર ભયંકર તોફાન હોય કે ભયંકર યુદ્ધ હોય, બધી જ વાતો સાચી પડી છે. રશિયા યુક્રેન સામે લડી રહ્યું છે, ઇઝરાયેલ ગાઝા પર વિનાશ વેરી રહ્યું છે. ત્યારે ચાલો જોઈએ કે આગામી વર્ષ માટે બાબા વેંગાની શું આગાહીઓ છે…
BABA VANGA PREDICTIONS 2024
બાબા વાંગાની ભવિષ્યવાણી પ્રમાણે 2024માં રશિયન રાષ્ટ્રપતિ પુતિનની ( Russian President Vladimir Putin) હત્યાના પ્રયાસ થશે. આ સમયે રશિયા યૂક્રેન વચ્ચે યુદ્ધ ચાલી રહ્યું છે. ઘણી વખત અફવા પણ ફેલાઈ છે કે પુતિનનું મૃત્યુ થઈ ચુક્યું છે અને રશિયા તેમનું બોડી ડબલ દુનિયા સામે ચલાવી રહ્યું છે.
BABA VANGA PREDICTIONS, 2024માં મોટું આર્થિક સંકટ આવવાનું છે. જેની અસર વૈશ્વિક અર્થવ્યવસ્થા પર પડશે. તેમનો દાવો છે કે દેવાના સ્તરમાં વધારો થવાને કારણે ભૂ-રાજકીય તણાવ વધશે. ઘણા દેશો બીજા દેશને કબજે કરવાનો પ્રયાસ કરશે, ઉદાહરણ તરીકે પાકિસ્તાન (Pakistan), તાઈવાન (Taiwan) અને બીજા ઘણા દેશો પ્રત્યે ચીન (China)ની વર્તમાન વિદેશ નીતિ.
બાબા વાંગાના જણાવ્યા અનુસાર, વર્ષ 2024માં દવાના ક્ષેત્રમાં ઘણી મહત્વપૂર્ણ શોધ જોવા મળી શકે છે. અલ્ઝાઈમર અને કેન્સર જેવા રોગો માટે દવાઓ વિકસાવી શકાય છે.
બાબા વાંગાના જણાવ્યા અનુસાર, પૃથ્વી પર એક મોટો ફેરફાર થવાનો છે, તે સામાન્ય રીતે ખૂબ જ લાંબા અંતરાલમાં થાય છે, પરંતુ જો તે ઝડપથી થાય છે તો ભયંકર કુદરતી આફત આવી શકે છે. પૃથ્વીની ચારે બાજુ પૂર આવી શકે છે.
અન્ય એક અનુમાન મુજબ કોઈ મોટો દેશ આવતા વર્ષે પરમાણુ પરીક્ષણ કરી શકે છે. આ સિવાય બાબા વાંગાએ યુરોપમાં આતંકવાદી ગતિવિધિઓમાં વધારો થવાની પણ આગાહી કરી હતી.
બાબા વાંગાએ સાયબર હુમલામાં વધારો થવાની ચેતવણી પણ આપી હતી. એવી ચર્ચા છે કે 2024 માં હેકર્સ દ્વારા પાવર ગ્રીડ અને વોટર ટ્રીટમેન્ટ પ્લાન્ટ્સને નિશાન બનાવવામાં આવશે.
વધુ સમાચાર માટે – અહી કલિક કરો, YouTube શોર્ટ્સ માટે – અહી કિલક કરો અને હિંદી સમાચાર વાંચવા – અહી ક્લિક કરો
