મોક્ષદા એકાદશી : ડિસેમ્બરની સાથે જ આ વર્ષ પણ સમાપ્ત થવા જઇ રહ્યું છે. આ વર્ષની અંતિમ એકાદશી આજે 22 સપ્ટેમ્બરે છે. માર્ગશીર્ષ મહિનામાં આવતી આ એકાદશીને મોક્ષદા એકાદશી (Mokshada Ekadashi) કહેવામાં આવે છે. તેને વૈંકુઠ એકાદશીના નામે પણ ઓળખવામાં આવે છે. મોક્ષદા એકાદશીના ઉપવાસથી પાપોનો નાશ થાય છે અને માત્ર ઉપવાસ કરનારને જ નહીં પરંતુ તેમના પૂર્વજોને પણ મોક્ષ મળે છે.
આ વખતે એકાદશી 22મી ડિસેમ્બર 2023ના રોજ આવે છે.એકાદશીનું વિશેષ મહત્વ છે કારણ કે તે આ વર્ષની છેલ્લી એકાદશી છે. આ દિવસે ભગવાન વિષ્ણુની પૂજા કરવામાં આવે છે. એવું માનવામાં આવે છે કે આ દિવસે સાચી ભાવનાથી પૂજા કરવાથી મોક્ષ મળે છે.મોક્ષદા એકાદશીના ઉપવાસથી પાપોનો નાશ થાય છે. આ એકાદશીનું મહત્વ એટલા માટે પણ વધી જાય છે કારણ કે આ દિવસે ભગવાન શ્રીકૃષ્ણએ અર્જુનને ભગવદ્ ગીતાનો ઉપદેશ આપ્યો હતો.એકાદશીનો તહેવાર શાસ્ત્રોમાં ખૂબ જ શુભ માનવામાં આવે છે.
મોક્ષદા એકાદશી પર આ વસ્તુઓ ઘરે લાવો
જ્યોતિષ શાસ્ત્ર અનુસાર જો મોક્ષદા એકાદશીના દિવસે કેટલાક ઉપાય કરવામાં આવે તો ઘણી બધી સમસ્યાઓથી મુક્તિ મળી શકે છે. બીજી તરફ જો તમે આ દિવસે તમારા ઘરમાં કેટલીક ખાસ વસ્તુઓ લાવો છો તો તમારા ઘરમાં હંમેશા સમૃદ્ધિ બની રહે છે. ધાર્મિક માન્યતાઓ અનુસાર આ દિવસે સફેદ હાથીની મૂર્તિ, કામધેનુ ગાય અને માછલીની મૂર્તિ ઘરમાં લાવવી જોઈએ. એવું કહેવાય છે કે જે લોકો આવું કરે છે તેઓ તેમના જીવનમાં સકારાત્મકતા જાળવી રાખે છે. સાથે જ ઘરમાં દેવી લક્ષ્મીનો વાસ હોય છે.
મોક્ષદા એકાદશીનો સમય
એકાદશી તિથિ 22 ડિસેમ્બર, શુક્રવારે સવારે 9.21 વાગ્યાથી શરૂ થશે. આ તારીખ 23મી ડિસેમ્બરે સવારે 7.41 કલાકે પૂરી થશે. એકાદશી તિથિ 23મીએ સૂર્યોદયના સમયે હશે, તેથી આ વ્રત 23મીએ જ રાખવું વધુ શુભ રહેશે. શાસ્ત્રોમાં એવું માનવામાં આવે છે કે જે તિથિ સૂર્યોદયના સમયે હોય છે તે આખા દિવસ માટે માન્ય હોય છે.
તમે આ પણ વાંચી શકો છો
Horoscope 2024 : સૂર્યના પ્રભાવથી આ રાશીનું વર્ષ 2024 સુખદાયી નીવળશે
