કેદારનાથ બાબાના દર્શનની આતુરતાનો આખરે અંત આવી ગયો છે. હર હર મહાદેવના નાદ સાથે કપાટ કેદારનાથ બાબાના કપાટ ખુલી ગયા છે.મંગળવારે સવારે 6.20 મીનીટે બાબાના મંદિરના કપાટ ખુલો ગયા છે. આ શુભ અવસર પર મંદિરને 35 ક્વિન્ટલ ફૂલોથી શણગારવામાં આવ્યું છે. અંદાજીત સાત હજારથી વધુ ભક્તો આ ક્ષણના સાક્ષી બન્યા છે. બાબા કેદારનાથના મંત્રોચ્ચારથી વાતાવરણ ભક્તિમય બન્યું હતું. કેદારનાથ ધામના કપાટ ખુલ્યા બાદ મંદિરના મુખ્ય પૂજારી જગદગુરુ રાવલ ભીમ શંકર લિંગ શિવચાર્યએ ગર્ભગૃહમાં ભગવાન કેદારનાથની વિશેષ પૂજા-અર્ચના કરી હતી.
