Trump’s 7-Day Ultimatum: અમેરિકાના રાષ્ટ્રપતિ ડોનાલ્ડ ટ્રમ્પ અત્યારે બેવડા મોરચે લડી રહ્યા છે. એક તરફ ઈરાન સામેનું યુદ્ધ છે અને બીજી તરફ ઘરઆંગણે અમેરિકી સંસદ (સેનેટ) ના કાયદાકીય અવરોધો છે. અમેરિકી બંધારણ મુજબ ટ્રમ્પ પાસે યુદ્ધ ચાલુ રાખવા માટે હવે ગણતરીના દિવસો જ બાકી છે. જો તેઓ 1 મે પહેલા સેનેટની મંજૂરી મેળવવામાં નિષ્ફળ રહેશે, તો તેમને યુદ્ધ વિરામ કરવાની ફરજ પડી શકે છે.
Trump’s 7-Day Ultimatum: શું છે 60 દિવસનું ગણિત?
અમેરિકાના કાયદા મુજબ, રાષ્ટ્રપતિ જ્યારે કોઈ સૈન્ય કાર્યવાહી શરૂ કરે, ત્યારે તેના 60 દિવસમાં સંસદની મંજૂરી લેવી ફરજિયાત છે.
- ટ્રમ્પે ઈરાન સામે યુદ્ધની શરૂઆત 28 ફેબ્રુઆરીએ કરી હતી.
- સંસદને સત્તાવાર જાણ 2 માર્ચે કરવામાં આવી હતી.
- આ હિસાબે 1 મે સુધીમાં સંસદમાં બહુમતી સાબિત કરી યુદ્ધ ચાલુ રાખવા માટેની મંજૂરી લેવી પડે તેમ છે.
Trump’s 7-Day Ultimatum: પોતાની જ પાર્ટીના સાંસદોએ ફેરવી તોળ્યું
ટ્રમ્પ માટે સૌથી મોટી ચિંતા 100 સભ્યોની સેનેટનું ગણિત છે.
- ભાજપ (રિપબ્લિકન પાર્ટી) પાસે 53 બેઠકો છે, જ્યારે કમલા હેરિસની ડેમોક્રેટિક પાર્ટી પાસે 47 બેઠકો છે.
- ચિંતાની વાત એ છે કે, ટ્રમ્પની પોતાની જ પાર્ટીના અંદાજે 10 સાંસદો ઈરાન યુદ્ધના વિરોધમાં છે.
- જો વિપક્ષી ડેમોક્રેટ્સ એકજૂટ રહે અને રિપબ્લિકન બળવાખોરો જોડાય, તો ટ્રમ્પ સંસદમાં હારી શકે છે. આથી જ તેઓ સંસદનો સામનો કરવાથી દૂર ભાગી રહ્યા છે.
Trump’s 7-Day Ultimatum: 30 દિવસની વધારાની મુદત પણ કામ નહીં લાગે?
કાયદામાં 60 દિવસ બાદ વધુ 30 દિવસનો સમય મેળવવાની જોગવાઈ છે, પરંતુ તે શરતી છે. આ વધારાનો સમય માત્ર સૈનિકોની સુરક્ષિત વાપસી (Safe Withdrawal) માટે મળે છે, યુદ્ધને આગળ વધારવા માટે નહીં. આમ, ટ્રમ્પ માટે યુદ્ધ ચાલુ રાખવાનો રસ્તો સાંકડો થઈ રહ્યો છે.
Trump’s 7-Day Ultimatum: શું ટ્રમ્પ કાયદાને અવગણી શકે?
અમેરિકી ઈતિહાસમાં અગાઉ પણ રાષ્ટ્રપતિઓએ પોતાની શક્તિનો ઉપયોગ કરી સમય મર્યાદા તોડી છે:
- બરાક ઓબામા (2011): લિબિયામાં 60 દિવસથી વધુ કાર્યવાહી ચાલુ રાખી હતી.
- ટ્રમ્પ (2019): યમન યુદ્ધ મુદ્દે સંસદના પ્રસ્તાવને વીટો (Veto) કર્યો હતો.
જોકે, આ વખતે સ્થિતિ અલગ છે. જો ટ્રમ્પ મર્યાદા તોડશે, તો તે તેમની પાર્ટી માટે રાજકીય આત્મહત્યા સમાન સાબિત થઈ શકે છે અને કાયદાકીય લડાઈ સુપ્રીમ કોર્ટ સુધી પહોંચી શકે છે.
વધુ સમાચાર વાંચવા માટે અંહી ક્લિક કરો
બંગાળમાં શાહની ગર્જના: ‘સીએમ બંગાળી જ હશે પણ દીદીનો ભત્રીજો નહીં’, હુગલીમાં પીએમ મોદીની નૌકા સવારી
