અમદાવાદ સહિત દરેક ઝોનમાં વરસાદની આગાહી
રાજ્યમાં છેલ્લા ઘણા સમયથી માવઠું થઇ રહ્યું છે અને ખેડૂતોના જીવ અધ્ધર કરી દિશા છે. કમોસમી વરસાદથી ખેડૂતો પાયમાલ થયી રહ્યા છે અને પાક નિષ્ફળ ગયો છે. ત્યારે હવામાન વિભાગ દ્વારા ફરી આજે ૩જી મે ના દિવસે ગાજવીજ સાથે વરસાદની આગાહી કરી છે.
હવામાન ખાતાના જણાવ્યા પ્રમાણે રાજ્યમાં ઉત્તર ગુજરાત,ના જીલ્લાઓ , મધ્યગુજરાત દક્ષીણ ગુજરાત અને સૌરાષ્ટ્ર કચ્છમાં હળવાથી મધ્યમ વરસાદની આગાહી કરાઈ છે અને પવનની ગતિ 40 કિમી પ્રતિ કલાક રહેશે .
રાજ્યમાં કમોસમી વરસાદથી થયેલા નુકસાનનો સર્વે રાજ્ય સરકારના કૃષિ વિભાગ દ્વારા પૂર્ણ થયો છે પરંતુ ખેડૂતો મીટ માંડીને આ વળતરની રાહ જોઈ રહ્યા છે.
અહી ઉલ્લેખનીય છેકે અગાઉ થયેલા કમોસમી વરસાદનો આ સર્વે થયેલો છે તે વળતરની જાહેરાત થઇ નથી અને સર્વે પૂરો થયા પછી પણ કમોસમી વરસાદ ચાલુ રહેતા વધુ નુકશાની અંગે અને ખાસ કરીને કેરીનો પાક નિષ્ફળ થયો છે તે અંગે પણ ખેડૂતોની ચિંતા વધી છે.
