The Grand Tendulkar Wedding: સચિનના પુત્રએ બિઝનેસમેન રવિ ઘાઇની પૌત્રી સાનિયા સાથે લીધા સાત ફેરા | અંબાણી પરિવાર અને બીસીસીઆઈ સેક્રેટરી જય શાહ પણ લગ્નમાં ખાસ ઉપસ્થિત રહ્યા.
ક્રિકેટ આઇકોન સચિન તેંડુલકરના પુત્ર અર્જુન તેંડુલકરે આજે મુંબઈમાં તેની લોન્ગ ટાઈમ ફ્રેન્ડ સાનિયા ચંદોક સાથે લગ્નગ્રંથિથી જોડાયા છે. આ ભવ્ય સમારોહમાં દેશની સૌથી પ્રતિષ્ઠિત હસ્તીઓએ હાજરી આપીને નવદંપતીને નવા જીવનની શુભેચ્છાઓ પાઠવી હતી.
The Grand Tendulkar Wedding: હસ્તીઓની માવજત: અમિતાભથી લઈને ધોની સુધી
લગ્નમાં બોલિવૂડના મહાનાયક અમિતાભ બચ્ચન અને પત્ની જયા બચ્ચન ખાસ આકર્ષણનું કેન્દ્ર રહ્યા હતા. ક્રિકેટ જગતમાંથી પૂર્વ કેપ્ટન એમ.એસ. ધોની પત્ની સાક્ષી સાથે પહોંચ્યા હતા. આ ઉપરાંત રાહુલ દ્રવિડ, અનિલ કુંબલે, હરભજન સિંહ, સુરેશ રૈના અને અજિંક્ય રહાણે જેવા દિગ્ગજ ક્રિકેટરોએ પણ હાજરી આપી હતી.
The Grand Tendulkar Wedding: અંબાણી પરિવારનું વિશેષ જોડાણ
રિલાયન્સ ઇન્ડસ્ટ્રીઝના ચેરમેન મુકેશ અંબાણી અને નીતા અંબાણીએ પરિવાર સાથે હાજરી આપી હતી. લગ્ન પ્રસંગે નીતા અંબાણીએ ભાવુક થતા કહ્યું કે, “સચિન અને અંજલિ હંમેશા અમારા પરિવારનો ભાગ રહ્યા છે. મેં અર્જુનને નાના બાળકમાંથી જવાબદાર યુવાન બનતા જોયો છે, તેની આ સુંદર પાર્ટનરશિપની શરૂઆત જોઈને અમારું હૃદય ભરાઈ આવ્યું છે.”
કોણ છે સાનિયા ચંદોક?
- સાનિયા ચંદોક જાણીતા બિઝનેસમેન અને ગ્રેવિસ ગ્રુપના ચેરમેન રવિ ઘાઇની પૌત્રી છે.
- તે અર્જુનની બહેન સારા તેંડુલકરની ખૂબ જ નજીકની મિત્ર છે.
- આ કપલે ઓગસ્ટ ૨૦૨૫માં સગાઈ કરી હતી અને ૨૭ ફેબ્રુઆરીએ જામનગરમાં અંબાણી પરિવારના આંગણે તેમનું પ્રી-વેડિંગ ફંક્શન યોજાયું હતું.
