ચેન્નાઈ સુપર કિંગ્સ વિરુદ્ધ લખનૌ સુપર જાયન્ટ્સે ૧૯.૨ ઓવરમાં ૧૨૫ રન ફટકાર્યા
લખનૌ ખાતે IPLની ૪૫ મેચ લખનૌ સુપર જાયન્ટ્સ અને ચેન્નાઈ સુપર કિંગ્સ વચ્ચે રમાઈ હતી. જોકે, વરસાદના કારણે આ મેચનું કોઇપણ રિઝલ્ટ આવ્યું નહોતું. વરસાદના કારણે એક ઇનિંગ બાદ મેચ રદ્દ કરી દેવી પડી હતી. આ મેચમાં ચેન્નાઈ સુપર કિંગ્સે ટોસ જીતીને પ્રથમ બોલિંગ કરવાનો નિર્ણય લીધો હતો અને લખનૌ સુપર જાયન્ટ્સને બેટિંગ માટે આમંત્રણ આપ્યું હતું. આ મેચમાં લખનૌની શરૂઆત ખૂબ જ ખરાબ રહી હતી. ચેન્નાઈ બોલર્સની સામે લખનૌના બેટ્સમેન્સ સારું પ્રદર્શન કરી શક્ય નહોતા. લખનૌએ ૧૯.૨ ઓવરમાં ૭ વિકેટના ભોગે માત્ર ૧૨૫ રન જ બનાવી શક્યું હતું. આયુષ બદોનીએ સર્વાધિક ૩૩ બોલમાં અણનમ ૫૯ રન ફટકાર્યા હતા. ચેન્નાઈ તરફથી મોઈન અલીએ ૨, માહીશે ૨ અને પાથીરાનાએ ૨ વિકેટ ઝડપી હતી. જોકે, બાદમાં વરસાદ પડતા મેચ આગળ રમાઈ શકી નહોતી. અંતે બન્ને ટીમને ૧-૧ પોઈન્ટ આપવામાં આવ્યા હતા.
