Surat Textile Hub on Fire: ટેક્સટાઈલ સિટી સુરતનો રિંગ રોડ વિસ્તાર આજે બપોરે આગની દુર્ઘટનાથી ધણધણી ઉઠ્યો હતો. કમેલા દરવાજા પાસે આવેલી પ્રખ્યાત મિલેનિયમ માર્કેટ-1 માં ભીષણ આગ ફાટી નીકળતા રિંગ રોડ પર અફરાતફરીનો માહોલ સર્જાયો હતો. આ ઘટનામાં કોઈ જાનહાનિ થઈ નથી, પરંતુ લાખોનો માલ બળીને ખાખ થઈ ગયો છે.
Surat Textile Hub on Fire: ક્યાંથી શરૂ થઈ આગ?
માર્કેટના પહેલા માળે આવેલી દુકાન નંબર 69-71 (વૈષ્ણવી ક્રિએશન) માં અચાનક આગ ભભૂકી ઉઠી હતી. દુકાનમાં કાપડનો મોટો જથ્થો હોવાને કારણે આગે પળવારમાં વિકરાળ સ્વરૂપ ધારણ કર્યું હતું અને જોતજોતામાં આસપાસની અન્ય ત્રણ દુકાનોને પણ ઝપેટમાં લઈ લીધી હતી. આકાશમાં ધુમાડાના કાળા ડિબાંગ ગોટા દેખાતા આસપાસના વિસ્તારમાં ફાળ પડી હતી.
Surat Textile Hub on Fire: ફાયર વિભાગની કામગીરી અને ગ્રીન કોરિડોર
આગની ગંભીરતાને જોતા ફાયર બ્રિગેડ દ્વારા ‘બ્રિગેડ કોલ’ જાહેર કરવામાં આવ્યો હતો.
- 14 થી વધુ ગાડીઓ: 7 અલગ-અલગ ફાયર સ્ટેશનની ગાડીઓ તાત્કાલિક ઘટનાસ્થળે દોડી ગઈ હતી.
- પોલીસની મદદ: રિંગ રોડ પર ટ્રાફિક વધુ હોવાથી ફાયરની ગાડીઓ જલ્દી પહોંચી શકે તે માટે પોલીસે ગ્રીન કોરિડોર બનાવી રસ્તો ખાલી કરાવ્યો હતો.
- વર્તમાન સ્થિતિ: ચીફ ફાયર ઓફિસર બસંત પરીખના જણાવ્યા અનુસાર, ભારે જહેમત બાદ આગ પર સંપૂર્ણ કાબૂ મેળવી લેવાયો છે.
Surat Textile Hub on Fire: વેપારીઓમાં ચિંતા: લાખોનું નુકસાન
પ્રાથમિક અનુમાન મુજબ આગ શોર્ટ સર્કિટના કારણે લાગી હોવાનું મનાય છે. લગ્નસરાની સીઝન હોવાથી દુકાનોમાં કાપડનો ભરપૂર સ્ટોક હતો. આગમાં કિંમતી કાપડ બળીને ખાખ થઈ જતા વેપારીઓને મોટું આર્થિક નુકસાન થયું છે. કેટલાક શ્રમિકો અને વેપારીઓ જીવના જોખમે માલ બચાવવા દોડતા દ્રશ્યો પણ જોવા મળ્યા હતા.
વધુ સમાચાર વાંચવા માટે અંહી ક્લિક કરો
શેરબજારમાં સતત બીજા દિવસે તેજી, સેન્સેક્સ 78,200 અને નિફ્ટી 24,300ને પાર
