Stock Market Crash: ભારતીય શેરબજારમાં આજે સપ્તાહના પ્રથમ દિવસે જ ભારે અસ્થિરતા જોવા મળી છે. સોમવાર, 1 જૂનના રોજ શરૂઆતી તેજી બાદ બજારમાં જોરદાર કડાકો નોંધાયો હતો. દિવસના અંતે સેન્સેક્સ 508 અંક ઘટીને 74,267 ના સ્તરે બંધ થયો હતો, જ્યારે નિફ્ટી પણ 165 અંક તૂટીને 23,400 ની નજીક આવી ગયો છે.
આજના કારોબારની સૌથી ખાસ વાત એ રહી કે બજાર તેના ડે-હાઈ (દિવસની સર્વોચ્ચ સપાટી) પરથી ધબડકો પામ્યું હતું. ઉપરના સ્તરેથી સેન્સેક્સમાં 1000 અંક અને નિફ્ટીમાં 350 અંકનો મોટો ઘટાડો જોવા મળ્યો હતો.
Stock Market Crash: સરકારી બેંકો અને FMCG સેક્ટરમાં સૌથી વધુ મારો
આજના ટ્રેડિંગ સેશનમાં પ્રોફિટ બુકિંગ અને વેચવાલીનું ભારે દબાણ જોવા મળ્યું હતું. ખાસ કરીને સરકારી બેંકો (PSU Banks) અને FMCG (ફાસ્ટ મુવિંગ કન્ઝ્યુમર ગુડ્સ) સેક્ટરના શેરોમાં સૌથી વધુ વેચવાલી નોંધાઈ હતી, જેના કારણે બજાર રિકવર થઈ શક્યું નહીં. આ અગાઉ ગત શુક્રવારે (29 મે) પણ મેટલ અને ઓટો શેરોમાં ઘટાડાને કારણે સેન્સેક્સ 1092 પોઈન્ટ તૂટીને 74,775 પર બંધ થયો હતો.
Stock Market Crash: વિદેશી રોકાણકારો (FIIs) ની સતત વેચવાલી
બજારમાં આ ઘટાડા પાછળનું એક મુખ્ય કારણ વિદેશી રોકાણકારો દ્વારા થઈ રહેલી સતત વેચવાલી છે. છેલ્લા 30 દિવસના આંકડા પર નજર કરીએ તો રોકાણકારોનું વલણ નીચે મુજબ રહ્યું છે:
| કેટેગરી | તાજેતરના (કરોડ ₹) | છેલ્લા 7 દિવસ (કરોડ ₹) | છેલ્લા 30 દિવસ (કરોડ ₹) |
| DII (સ્થાનિક રોકાણકારો) | +16,764 | +21,947 | +82,669 |
| FII/FPI (વિદેશી રોકાણકારો) | -21,106 | -24,557 | -55,963 |
નોંધ: છેલ્લા 30 દિવસમાં વિદેશી સંસ્થાકીય રોકાણકારો (FII) એ ભારતીય બજારમાંથી આશરે 56 હજાર કરોડ રૂપિયાના શેર વેચીને નાણાં પરત ખેંચ્યા છે. જોકે, તેની સામે સ્થાનિક રોકાણકારો (DII) એ ખરીદી કરીને બજારને ટેકો આપવાનો પ્રયાસ કર્યો છે.
Stock Market Crash: વૈશ્વિક બજારો મજબૂત, છતાં ભારતીય બજારમાં ઘટાડો
આશ્ચર્યની વાત એ છે કે વૈશ્વિક બજારોમાંથી પોઝિટિવ સંકેતો હોવા છતાં ભારતીય બજાર તૂટ્યું હતું. શુક્રવારે અમેરિકી બજારો તેજી સાથે બંધ થયા હતા અને આજે એશિયન બજારોમાં પણ જોરદાર ઉછાળો જોવા મળ્યો હતો.
એશિયન બજારની સ્થિતિ:
- કોસ્પી (સાઉથ કોરિયા): 8,788 પર પહોંચ્યો (3.68% નો મોટો ઉછાળો)
- નિકેઈ (જાપાન): 66,934 પર બંધ (0.91% નો વધારો)
- હેંગસેંગ (હોંગકોંગ): 25,398 પર બંધ (0.86% નો વધારો)
અમેરિકી બજારની સ્થિતિ (શુક્રવાર):
- ડાઉ જોન્સ: 363 પોઈન્ટ વધીને 51,032 પર બંધ (0.72%)
- નાસ્ડેક: 55 પોઈન્ટ વધીને 26,973 પર બંધ (0.20%)
- S&P 500: 16 પોઈન્ટ વધીને 7,580 પર બંધ (0.22%)
વૈશ્વિક બજારો ગ્રીન ઝોનમાં હોવા છતાં, ભારતીય શેરબજારમાં સ્થાનિક પરિબળો અને એફઆઈઆઈ (FII) ની નફાખોરી હાવી રહેતા રોકાણકારોએ સાવચેતીનું વલણ અપનાવ્યું છે.
વધુ સમાચાર વાંચવા માટે અંહી ક્લિક કરો
