Shocking Crime in Savli: વડોદરા જિલ્લાના સાવલી તાલુકાના કરચીયા ગામની સીમમાં બનેલી એક હચમચાવતી ઘટના સામે આવી છે, જેમાં માત્ર મોજશોખ અને ફરવાના શોખ પાછળ એક સગીરે 66 વર્ષીય વૃદ્ધને મોતને ਘાટ ਉਤારી દીધા હતા. વડોદરા જિલ્લા પોલીસ વડા સુશીલ અગ્રવાલે જણાવ્યું હતું કે ગત 17 જુલાઈના રોજ ગોધરા ગ્રામ્યના સાતરોડ પોલીસ સ્ટેશન વિસ્તારમાંથી ઠાસરાના રહેવાસી રમણ રાઠોડિયા (ઉં.વ. 66) નો મૃતદેહ શંકાસ્પદ હાલતમાં મળી આવ્યો હતો. વૃદ્ધના માથાના ભાગે ગંભીર ઇજાઓ પહોંચાડી હત્યા કરાઈ હોવાનું પંચનામામાં સ્પષ્ટ થતાં પોલીસે ગુનો નોંધી તપાસ આરંભી હતી.
Shocking Crime in Savli: ‘સીન ઓફ ક્રાઇમ’ અને લોહીવાળી લાકડીથી ઉકેલાયો ભેદ
પોલીસે ઘટનાસ્થળે સઘન કોમ્બિંગ હાથ ધરતા ઝાડીઓમાંથી એક લોહીવાળી શંકાસ્પદ લાકડી મળી આવી હતી. ટેકનિકલ પુરાવાઓ અને કડીઓ જોડતા આ સમગ્ર કેસમાં આઠમા ધોરણ સુધી ભણેલા એક 17 વર્ષીય સગીરની સંડોવણી હોવાનું બહાર આવ્યું હતું. પોલીસ પૂછપરછમાં સગીરે જે ખુલાસો કર્યો તે સાંભળીને અધિકારીઓ પણ ચોંકી ઉઠ્યા હતા.
Shocking Crime in Savli: દમણ-સાપુતારા ફરવા માટે રચ્યો હતો ખતરનાક પ્લાન
આરોપી સગીરને દમણ અને સાપુતારા ફરવા જવાની તીવ્ર ઈચ્છા હતી અને તેના માટે તેને નવા કપડાં તથા બૂટ ખરીદવા હતા. પરિવાર દ્વારા વધુ પૈસા આપવાની ના પાડવામાં આવતા તેણે બે બકરાં ચોરી કરવાનો પ્લાન બનાવ્યો હતો. જ્યારે તે બકરાં ચરાવવા ગયો ત્યારે સીમમાં રમણભાઈને એકલા જોઈને તેણે તેમના પર જીવલેણ હુમલો કરી દીધો હતો અને બે બકરાં ચોરી કરી ફરાર થઈ ગયો હતો.
હત્યારા સગીરે ચોરેલા બંને બકરાં એક ખાટકીને ₹9,300માં વેચી દીધા હતા. આ રકમમાંથી તેણે પોતાની પસંદગીના નવા કપડાં અને બૂટ ખરીદ્યા અને મોજશોખ પૂરા કરવા દમણની સફર પણ કરી આવ્યો હતો.
Shocking Crime in Savli: પોલીસની સરાહનીય કામગીરી
દમણથી પરત ફરતા જ સાવલી પોલીસે સગીરની અટકાયત કરી લીધી છે. પોલીસે ઘટનાસ્થળેથી મળેલી લોહીવાળી લાકડી, બનાવ સમયે સગીરે પહેરેલા લોહીના ડાઘવાળા કપડાં તેમજ બકરાં વેચીને મેળવેલા નાણાંથી ખરીદેલા નવા કપડાં અને બૂટ જપ્ત કરી લીધા છે. પોલીસે કાયદેસરની કાર્યવાહી હાથ ધરીને સગીરને બાલ સંરક્ષણ ગૃહ મોકલવાની તજવીજ હાથ ધરી છે.
વધુ સમાચાર વાંચવા માટે અંહી ક્લિક કરો
મારુતિ સુઝુકીની કાર ફરી મોંઘી થશે, ઓગસ્ટથી લાગુ થશે નવા ભાવ, બે મહિનામાં બીજી વખત ઝટકો
