Shoaib Malik and Sania Mirza : શોએબ મલિક અને સાનિયા મિર્ઝા પાકિસ્તાન અને ભારતના પાવર કપલ છે. બંનેના લગ્નના સમાચારે મીડિયામાં ભારે કુતૂહલ ઊભું કર્યું હતું, બંને એથ્લેટ્સ એક થઈ ગયા અને તેમના લગ્ન ટોક ઓફ ધ ટાઉન બની ગયા. સરહદની બંને બાજુના લોકો ખુશ થયા અને દંપતી માટે આશીર્વાદ પણ આપ્યા. શોએબ ક્રિકેટની દુનિયામાં એક મોટું નામ છે જ્યારે સાનિયા મિર્ઝા (Sania Mirza) એ વર્લ્ડની બેસ્ટ ટેનિસ ખિલાડીઓમાંની એક છે. આ દંપતીને એક પુત્ર ઇઝાન મિર્ઝા મલિક છે, જેને તેઓ બંને ખૂબ પ્રેમ કરે છે.
જો કે, થોડા સમય પહેલા સમાચાર પ્રાપ્ત થઈ રહ્યા હતા કે શોએબની લાઈફમાં અન્ય કોઈ યુવતી છે અને આ યુવતીના કારણે શોએબ અને સાનિયા (Sania Mirza)ના લગ્નજીવનમાં ભંગાણ પડી રહ્યું છે, કપલના અલગ થવાના સમાચાર વાયરલ થયા હતા. કેટલાક સૂત્રોએ તો એમ પણ કહ્યું હતું કે બંનેના છૂટાછેડા પણ થઈ ગયા છે અને તેઓ માત્ર એકસાથે તેમના પુત્ર માટે આવે છે. જો કે બંનેમાંથી કોઈ પણ સ્ટારે આગળ આવીને ના તો આ વાતનું સ્પષ્ટિકરણ કર્યું કે ના તો રદિયો આપ્યો છે. ઘણા લાંબા સમયથી સાનિયા અને શોએબ સાથે જોવા મળ્યા ન હતા પરંતુ આખરે ચાહકોને તેમની એક ઝલક મળી છે.
પુત્ર ઇઝાનનો પાંચમા જન્મદિવસના દિવસે શોએબ મલિકે ઉજવણી સાથે પરિવારની તસવીરો પોસ્ટ કરી હતી. પુત્ર ઇઝાનના જન્મદિવસની કેટલીક ક્લિક્સમાં સાનિયા અને શોએબ બંને સાથે જોવા મળ્યા.
શોએબ મલિકે આયેશા ઉમર માટે સાનિયા મિર્ઝાને આપ્યો દગો :
વર્ષ 2021 માં, પાકિસ્તાની ક્રિકેટર શોએબ મલિક અને અભિનેત્રી અને મોડલ આયેશા ઉમરે એક મેગેઝીન માટે ફોટોશૂટ કરાવ્યું હતું, ત્યારબાદ તેમના કથિત અફેરની અફવાઓ ફેલાઈ હતી. આટલું જ નહીં, મેગેઝીન શૂટ પછી આયેશા ઉમર પર શોએબના સાનિયા (Sania Mirza) સાથેના લગ્નને બરબાદ કરવાનો આરોપ પણ લાગ્યો હતો.
ઑગસ્ટ 2023 માં, અમે શોએબ મલિકના ઇન્સ્ટાગ્રામ પ્રોફાઇલમાં ફેરફાર જોવા મળ્યો હતો, અને સાનિયા મિર્ઝા (Sania Mirza) વચ્ચે છૂટાછેડાની અફવાઓ ઉભી થઈ. શોએબે પહેલા લખેલું હતું ‘સુપરવુમન @ મિર્ઝાસાનિયારનો પતિ’ અને બદલાયેલા બાયોમાં ‘પુત્ર ઇઝાનનો પિતા’ તરીકેની ઓળખને વિસ્તૃત કરી હતી.
ઉલ્લેખનીય છે કે, સાનિયા અને શોએબને આઠ વર્ષ સુધી વૈવાહિક આનંદમાં રહ્યા પછી, 2018 માં તેમના બેબી બોય, ઇઝાનનો જન્મ થયો હતો.
5
Comments are closed.