Security Alert:જમ્મુ-કાશ્મીરના શ્રીનગર આંતરરાષ્ટ્રીય એરપોર્ટ પર સુરક્ષા તપાસ દરમિયાન મોટી કાર્યવાહી કરવામાં આવી છે. પ્રતિબંધિત ‘સેટેલાઇટ ફોન’ સાથે મુસાફરી કરી રહેલા બે અમેરિકન નાગરિકોને સુરક્ષા દળોએ અટકાયતમાં લીધા છે. સંવેદનશીલ વિસ્તારમાં આ પ્રકારનું પ્રતિબંધિત ઉપકરણ મળી આવતા સુરક્ષા એજન્સીઓ દોડતી થઈ ગઈ છે.
Security Alert: ઘટનાની વિગત
મળતી માહિતી મુજબ, આ બંને અમેરિકન પ્રવાસીઓ જ્યારે શ્રીનગર એરપોર્ટ પરથી રવાના થઈ રહ્યા હતા, ત્યારે સ્ક્રિનિંગ દરમિયાન તેમના સામાનમાંથી સેટેલાઇટ ફોન મળી આવ્યો હતો. એરપોર્ટ સુરક્ષા કર્મચારીઓએ તરત જ તેમને અટકાવ્યા હતા અને પૂછપરછ શરૂ કરી હતી.
Security Alert: ભારતમાં સેટેલાઇટ ફોન પર કેમ છે પ્રતિબંધ?
ભારતીય કાયદા મુજબ, કોઈપણ નાગરિક કે વિદેશી પ્રવાસી પાસે પૂર્વ મંજૂરી વગર સેટેલાઇટ ફોન રાખવો ગેરકાયદેસર છે. ખાસ કરીને જમ્મુ-કાશ્મીર જેવા સંવેદનશીલ અને સરહદી વિસ્તારોમાં સુરક્ષાના કારણોસર આ નિયમો અત્યંત કડક છે. આ ઉપકરણોનો ઉપયોગ ઘણીવાર સુરક્ષા એજન્સીઓની નજરથી બચીને વાતચીત કરવા માટે થઈ શકે છે, તેથી તેને ગંભીર ગુનો ગણવામાં આવે છે.
આગળની કાર્યવાહી:
હાલમાં બંને વિદેશી નાગરિકોને સ્થાનિક પોલીસને સોંપવામાં આવ્યા છે. પોલીસ અને ગુપ્તચર એજન્સીઓ એ તપાસ કરી રહી છે કે આ પ્રવાસીઓ પાસે સેટેલાઇટ ફોન ક્યાંથી આવ્યો અને તેનો ઉપયોગ કયા હેતુ માટે કરવામાં આવ્યો હતો. શું તેમની પાસે આ માટે કોઈ માન્ય દસ્તાવેજો છે કે કેમ, તેની પણ ચકાસણી કરવામાં આવી રહી છે.
વધુ સમાચાર વાંચવા માટે અંહી ક્લિક કરો : તમિલનાડુની ફટાકડા ફેક્ટરીમાં ભીષણ વિસ્ફોટ 18 મજૂરોના કરુણ મોત, અનેક હજુ પણ કાટમાળ નીચે દટાયા
