Bharat Nyaya Yatra: વર્ષ 2024માં યોજાનારી લોકસભાની ચૂંટણી પહેલા કોંગ્રેસ પાર્ટી ફરી એકવાર સક્રિય થતી જોવા મળી રહી છે. કોંગ્રેસ 14 જાન્યુઆરીથી 20 માર્ચ સુધી ‘ભારત ન્યાય યાત્રા’નું આયોજન કરવા જઈ રહી છે. આ યાત્રા મણિપુરથી શરૂ થઈને મુંબઈ જશે.
કોંગ્રેસના મહાસચિવ કે.સી. વેણુગોપાલે આપેલી માહિતી અનુસાર, ‘ભારત ન્યાય યાત્રા’ (Bharat Nyaya Yatra) આસામ, પશ્ચિમ બંગાળ, બિહાર, છત્તીસગઢ, ઉત્તર પ્રદેશ, મધ્યપ્રદેશ અને ગુજરાત સહિત 14 રાજ્યોમાંથી 6,200 કિલોમીટરનું અંતર કાપશે. આ પ્રવાસનું મોટાભાગનું અંતર બસ દ્વારા કવર કરવામાં આવશે. કેટલીક જગ્યાએ પદયાત્રા પણ કાઢવામાં આવશે.
રાહુલ ગાંધીની ‘ભારત ન્યાય યાત્રા’ (Bharat Nyaya Yatra)
આગામી વર્ષે યોજાનારી લોકસભાની ચૂંટણીને ધ્યાનમાં રાખીને કોંગ્રેસના નેતા રાહુલ ગાંધીએ દેશના ઉત્તર-પૂર્વ અને પશ્ચિમ ભાગોને જોડતી યાત્રા શરૂ કરવાની તૈયારીઓ પૂર્ણ કરી લીધી છે.
રાહુલ ગાંધી 14 જાન્યુઆરીથી તેમની ‘ભારત ન્યાય યાત્રા’ (Bharat Nyaya Yatra) શરૂ કરશે, જે મણિપુરથી મુંબઈ સુધી 6,200 કિલોમીટરનું અંતર કાપશે. આ યાત્રા લોકસભા ચૂંટણી પહેલા 20 માર્ચે સમાપ્ત થશે.
આ યાત્રાને ગત વર્ષે તેમની ઉત્તર-દક્ષિણ ‘ભારત જોડો યાત્રા’ના ભાગ-2 તરીકે જોવામાં આવે છે. દક્ષિણના બે રાજ્યોમાં મળેલી જીતનો શ્રેય રાહુલ ગાંધીની ‘ભારત જોડો યાત્રા’ને આપવામાં આવ્યો છે. જોકે, ભાજપનું કહેવું છે કે જનતાએ ભારત જોડો યાત્રાને ફગાવી દીધી છે.
રાહુલની પદયાત્રા આ રાજ્યોમાંથી પસાર થશે
કોંગ્રેસ પાર્ટી અનુસાર, રાહુલ ગાંધી ‘ભારત ન્યાય યાત્રા’ દરમિયાન 14 રાજ્યો અને 85 જિલ્લાઓને આવરી લેશે.
મણિપુર, નાગાલેન્ડ, આસામ, મેઘાલય, પશ્ચિમ બંગાળ, બિહાર, ઓડિશા, છત્તીસગઢ, ઉત્તર પ્રદેશ, મધ્યપ્રદેશ, રાજસ્થાન, ગુજરાત અને મહારાષ્ટ્ર રાજ્યમાંથી યાત્રા પસાર થશે.
‘ભારત જોડો યાત્રા’ દ્વારા જનતાને જોડવામાં આવી
કોંગ્રેસના નેતાઓએ કર્ણાટક અને તેલંગાણામાં પાર્ટીની જીતનો શ્રેય રાહુલની ભારત જોડો યાત્રા (Bharat Jodo Yatra) ને આપ્યો છે. તમને જણાવી દઈએ કે રાહુલ ગાંધીએ ગત વર્ષે સપ્ટેમ્બરમાં કન્યાકુમારીથી તેમની ભારત જોડો યાત્રા શરૂ કરી હતી.
પાંચ મહિનાની લાંબી કૂચમાં હજારો કોંગ્રેસી કાર્યકરો તેમજ વિપક્ષી નેતાઓએ ભાગ લીધો હતો. આ યાત્રા જાન્યુઆરીમાં શ્રીનગરમાં પૂરી થઈ હતી.
વધુ સમાચાર માટે – અહી કલિક કરો
YouTube શોર્ટ્સ માટે – અહી કિલક કરો
હિંદી સમાચાર વાંચવા – અહી ક્લિક કરો
