Punjab Kings Create History: IPLની 19મી સીઝનની 7મી મેચમાં પંજાબ કિંગ્સે ચેન્નઈ સુપર કિંગ્સને તેમના જ હોમ ગ્રાઉન્ડ ચેપોક સ્ટેડિયમમાં 5 વિકેટે હરાવીને ઇતિહાસ રચી દીધો છે. આ જીત સાથે પંજાબ કિંગ્સે T-20 ક્રિકેટમાં સૌથી વધુ વખત 200+ રનનો ટાર્ગેટ ચેઝ કરવાનો ભારતનો વર્લ્ડ રેકોર્ડ તોડી નાખ્યો છે.
Punjab Kings Create History: પંજાબનો ‘નવમો’ ગરબો વર્લ્ડ રેકોર્ડ પોતાના નામે કર્યો
પંજાબ કિંગ્સે T-20 ફોર્મેટમાં 9મી વખત 200 કે તેથી વધુ રનનો લક્ષ્યાંક સફળતાપૂર્વક હાંસલ કર્યો છે. આ પહેલા ભારતીય રાષ્ટ્રીય ટીમ 8 વખત આ પરાક્રમ કરી ચૂકી હતી. હવે પંજાબ આ યાદીમાં વિશ્વમાં પ્રથમ સ્થાને પહોંચી ગયું છે.
- પંજાબ કિંગ્સ: 9 વખત
- ટીમ ઇન્ડિયા: 8 વખત
- ઓસ્ટ્રેલિયા: 7 વખત
- મુંબઈ ઇન્ડિયન્સ: 6 વખત
Punjab Kings Create History: હાઈ-વોલ્ટેજ ડ્રામા
ટોસ હારીને પ્રથમ બેટિંગ કરવા ઉતરેલી ચેન્નઈ સુપર કિંગ્સે નિર્ધારિત 20 ઓવરમાં 5 વિકેટે 208 રનનો વિશાળ સ્કોર બનાવ્યો હતો. ચેન્નઈ તરફથી યુવા બેટર આયુષ મ્હાત્રેએ શાનદાર 73 રન (29 બોલમાં ફિફ્ટી) ફટકાર્યા હતા. જોકે, તેને બે વખત જીવનદાન મળ્યું હતું. આ સાથે જ ચેન્નઈએ IPLમાં સૌથી વધુ 36 વખત 200+ રન બનાવવાનો રેકોર્ડ પણ બનાવ્યો.
પંજાબનો વળતો પ્રહાર: 209 રનના લક્ષ્યાંકનો પીછો કરવા ઉતરેલી પંજાબની શરૂઆત ધમાકેદાર રહી હતી. પ્રિયાંશ આર્યાએ (39 રન) આક્રમક શરૂઆત કરી, જ્યારે પ્રભસિમરન સિંહે 43 રનનું યોગદાન આપ્યું હતું. પંજાબે માત્ર 18.4 ઓવરમાં જ 5 વિકેટ ગુમાવી લક્ષ્યાંક હાંસલ કરી લીધો હતો.
Punjab Kings Create History: મેચની મુખ્ય પળો (Top Moments):
- સંજુ સેમસન ફ્લોપ: ચેન્નઈ માટે રમી રહેલા સંજુ સેમસન માત્ર 7 રન બનાવી આઉટ થયા હતા. બે મેચમાં તેઓ માત્ર 13 રન જ બનાવી શક્યા છે.
- ડેબ્યૂ સ્ટાર: 14.20 કરોડમાં વેચાયેલા અનકેપ્ડ ઓલરાઉન્ડર પ્રશાંત વીરે ચેન્નઈ માટે ડેબ્યૂ કર્યું અને ચોગ્ગા સાથે ખાતું ખોલ્યું.
- સરફરાઝની ફટકાબાજી: સરફરાઝ ખાને અર્શદીપ સિંહની એક જ ઓવરમાં સતત ત્રણ ચોગ્ગા ફટકારી 12 બોલમાં 32 રન ઝૂડી કાઢ્યા હતા.
- ચહલની ફ્લાઇટ: યુઝવેન્દ્ર ચહલે બે વખત આયુષ મ્હાત્રેને પોતાની જાળમાં ફસાવ્યો હતો, પરંતુ ફિલ્ડરોએ કેચ છોડતા મ્હાત્રે બચી ગયો હતો.
વધુ સમાચાર વાંચવા માટે અંહી ક્લિક કરો : ઉમરેઠ પેટા ચૂંટણી કોંગ્રેસે ખેલ્યો દાવ, ભૃગુરાજસિંહ ચૌહાણના નામની સત્તાવાર જાહેરાત
